Donker van SA se psige ware riller

2012-01-21 10:53

Lesersfoto’s Stuur vir ons jou foto's  ·  Stuur vir ons jou foto's

Donker Plekke deur François Bloemhof (samesteller). Uitgewer: Lapa. Prys: R165

Baie van my boekvriende hou niks van kortverhale nie – te veel beginne; te veel slotte.

Dis soos om in spitsverkeer te bestuur, meen van hulle.

Ek gee toe dat die kortverhale – en laat mens dit maar sê, gedigte – in bloemlesings soms nie lekker vloei nie. Maar dit is beslis nie waar van die versameling verhale in Donker plekke; met François Bloemhof as samesteller en redakteur nie.

Bloemhof se samestelling en aaneenskakeling van die spannings- en misdaadstories kom kompleet met al die hoogtepunte, tussenposes of draaie en die duiselende duikslae van ’n 24-fase-tuimeltreinrit.

Donker plekke begin met “Afnaweek” en “Rietfonteyn”, twee taamlik uiteenlopende, dog grusame ryloopstories deur Alex Muller en Piet Steyn onderskeidelik.

Dit eindig met Wegkruipertjie, ’n psigo-riller uit die pen van Bloemhof so vol spanning wat bladsy ná bladsy oplaai, dat ek dit nie kon verhelp om te kul deur eers na die slot te blaai voordat ek die storie van voor begin lees het nie.

Miskien sal jy by die lees van dié versameling uitvind jy is gemaak uit stoffasie sterker as myne?

Stories oor moorddadige huweliksmaats lê ingeryg in dié versameling en vyf van Suid-Afrika se mees vooraanstaande Afrikaanse skrywers lyk of hulle meeding om die allerheerlikste vergeldingstories op te dis.

Dit word afgewissel deur ’n paar verhale oor spoke en monsters vir ’n knertsie of twee oordrewe, skrikaanjaende verbeeldingsvlugte. Quintus van der Merwe se “Die man met die groot ego” in die middel van die boek verhoog die verspotheid en word nog komiekliker wanneer die ironie van die titel jou tref.

Tussendeur is daar stories wat dieper delf in misdadigheid; stories wat meer is as ­blote vermaak.

In “Vuurdoop” laat Odette Schoeman ’n nuwelingpolisieman sy ysingwekkende storie vertel wat in die troebel vroeë 1990’s in die township Katlehong afspeel. Dié spanning word verlig in Deon Meyer se dig geweefde, nugtere storie wat vertel word deur ’n man wat “Die perfekte moord” op sy vrou beplan. En dan pluk Bloemhof die leser terug na die afgryslike werklikheid in sy “Skemer staan vir huis toe gaan”, ’n verhaal oor die reeksmoorde op jong seuns.

Jy sal effens verligting en ontvlugting vind in die elegante, James Bond-agtige stories vol finesse en onwaarskynlike stoutmoedigheid en in onvergeetlike verhale soos Herman Wasserman se “Afspraak”, ’n hartverskeurende storie uit die mond van ’n getraumatiseerde tienerseun wat toegesluit sit in ’n rehabilitasiesentrum.

Harry Kalmer se “Die nag van die Jägermeisters” is ’n ontnugterende blik op die moontlike gevolge as jy nou in Suid-Afrika betrap word dat jy onder die invloed van drank bestuur.

En dan kry jy ’n vaardige spel tussen karakters in nog ’n hedendaagse Suid-Afrikaanse stuk deur Meyer. Sy “In die bloed”, wat afspeel in ons polisie, paar twee uiters uiteenlopende persoonlikhede om ’n moordraaisel op te los.

Naskrif: As jy die versameling Donker veld: Afsprake op spanningsterrein gelees het wat in 2003 verskyn het en nou uit druk is, sal jy die 11 verhale in daardie boek in Donker plekke vind. En die lekkerste lekker is jy kry hulle saam met tientalle nuwe stories deur skrywers in die toenemend suksesvolle Suid-Afrikaanse misdaad- en spanningsgenre.

Moira Richards is ’n vryskut­skrywer van George.


Lees Rapport se kommentaarbeleid

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 14-24°C Sunny. Mild. Pta: 5-23°C Sunny. Mild.
Jhb: 4-18°C Sunny. Mild. Bfn: 1-21°C Sunny. Mild.
Dbn: 8-22°C Morning clouds. Mild. PE: 12-26°C Sunny. Pleasantly warm.
7-dag-voorspelling...

Betrekkinge - Vind jou droomwerk

Site Engineer: 2 Year Position

Vereeniging
Network Engineering Menlyn
R240 000+ Per Year

Senior Project Engineer

Sandton
Network Engineering Menlyn
R500 000 - R700 000 Per Year

Applications Maintenance and Support Engineer

Centurion
Network IT Bruma
R300 000 - R360 000 Per Year

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!