Skrywer slyp nog 'n paar byltjies

2012-11-11 00:45

Lesersfoto’s Stuur vir ons jou foto's  ·  Stuur vir ons jou foto's

The Silence of Gethsemane deur Michel Benoît. Uitgewer: Alma Books. Prys: R195.

Daar is sekerlik mense wat The Silence of Gethsemane skokkend gaan vind.

Ander gaan dit as ’n groot onthulling lees wat vir hulle ’n beeld van Jesus Christus voorhou wat hulle nooit voorheen teëgekom het nie. Maar daar is regtig nie eintlik rede vir een van dié reaksies nie.

Michel Benoît se boek is die jongste van ’n magdom aweregse hervertellings van Jesus se lewe – dit volg so half die storie van die evangelies, maar wyk plek-plek af. Jesus is ’n rabbi van Galilea, maar hy het nie regtig die broodjies en vissies vermeerder nie. Hy word wel gekruisig, maar hy het nie regtig stormwaters beveel om stil te raak nie. Ensovoorts.

Ander het al beter stories oor Jesus se lewe geskryf, waaronder Nikos Kazantzakis se Die laaste versoeking van Christus en Norman Mailer se The Gospel According to the Son.

Benoît gebruik baie van die werk van navorsers soos die Jesus-seminaar om Jesus se wonderwerke en spreuke te verklaar. Maar soms kom hy met sy eie teorieë vorendag. Byvoorbeeld dat die verandering van water in wyn by Kana eintlik ’n misverstand was nadat Jesus bloot die bestaande wyn met water verdun het.

En aan die einde van die boek vind ons uit die dissipel wat Jesus verraai het, is eintlik Petrus en dat Judas valslik beskuldig is. (Oor laasgenoemde teorie skryf Benoît dat baie Bybelwetenskaplikes dié teorie onderskryf, maar ek weet eerlikwaar nie waar jy so ’n kenner gaan uitkrap nie.)

Benoît is in sommige opsigte soos ’n Franse Karen Armstrong. Soos Armstrong was hy eens ’n Katolieke kloosterling wat ontnugter is en toe die orde verlaat het om ’n kritiese Bybelnavorser te raak.

Hy beskryf dié reis in ’n vorige boek, wat in Engels as Prisoner of God vertaal is.

Maar waar Armstrong ’n oortuigende en meestal onpartydige kommentator op religie geword het, vermoed mens Benoît slyp nog ’n paar byltjies met sy vroeëre Katolisisme. Sy teorie dat Petrus Jesus verraai het, is byvoorbeeld ’n duidelike poging om ’n steek teen Petrus se opvolger, die pous, in te kry.

Johannes de Villiers is ’n redaksielid vanRapport.


Lees Rapport se kommentaarbeleid

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 15-24°C High level clouds. Mild. Pta: 11-27°C Sunny. Pleasantly warm.
Jhb: 10-22°C Sunny. Mild. Bfn: 9-28°C Sunny. Pleasantly warm.
Dbn: 14-26°C More sun than clouds. Mild. PE: 12-23°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!