Nie nét 'n geldspel nie

2012-11-11 00:35

Pryse – Chev Cruze-luikrug 1.6 LS – R212 400 1.8 LS – R224 800

Lesersfoto’s Stuur vir ons jou foto's  ·  Stuur vir ons jou foto's

Ach du liebe!

Dis wat die Duitsers sê as hulle simpatie of empatie met iets het. Soos ’n brose Telkom-telefoonlyn wat jy later maar kanselleer omdat hulle dit net eenvoudig nie kan – of wil – fieks nie. Het nou die dag hoeka met ’n kollega in die bedryf gebeur, ná máánde se gesukkel. En dis besig om met die uwe ook te gebeur, oor ’n lyn wat nou al jare lank ’n krapperigheid toon, soos ’n spykerpunt wat oor ’n metaalblad skrop.

Probleem is dat die krapperigheid soms só erg raak dat mens niks, haba, nichts, zero, absoluut fonghinjapie kan hoor. En dan toets hulle hom, en SMS jou om te sê dat die lyn een honderd persent in orde is. En dan bel jy weer 10210 en hulle luister na jou storie en gee jou ’n nuwe verwysingsnommer en seg dat hulle jou probleem sal “eskaleer” (oftewel voor in die tou sal plaas). En dan kry jy weer die SMS. En dan bel jy weer. En nog ’n SMS.

En so slommer dit voort...

Nou en dan seg hulle selfs ’n tegniese ou sal uitgestuur word, of erger: ’n man is klaar uitgestuur. Wanneer hy by jou sal arriveer? Of hét hy dalk al gearriveer?

Nee, hulle weet nie. Iedergeval rapporteer die tegniese kêrel dan aan sy afdeling, maar húlle rapporteer nie aan die diensafdeling sodat 10210 kan bevestig of die tegniese man wél aan sý groep gerapporteer het nie. Vir al wat jy weet, het hy net sit en tee drink.

En raai nou of daar ’n nommer vir tegnies is, sodat jy kan bel en uitvind en vasstel en bevestig? Allawêreld, nee.

So, wat staan jou te doen? Ach du liebe. Bel maar weer 10210 en wag vir jou nuwe verwysingsnommer en volgende SMS wat sê dat jou lyn piekfyn is.

Dis Kafkaniaans. Maar dis die realiteit.

Nou, soms kla lesers dat dit ewe sleg in die motorbedryf gaan. Jy word nie gehelp nie. Oor die afgelope paar weke het ’n vriend by ses verskillende handelaars navraag oor karkoop gedoen. Net twee – Chevrolet en Hyundai – het geantwoord.

Hy’t die Chev gekoop. Die prys was beter, die handelaar veel nader aan sy tuiste en die verkoopsdame het hom elke dag met finansieringsplanne en dies meer gebel; alles goeie re-des om spesifiek dáár handel te dryf.

Maar die Cruze is ook baie kar vir wat jy betaal, hetsy in sedan- of 5-deur-luikrugvorm. Laasgenoemde (wat nuut op die mark is) bied twee petrolweergawes: ’n 1.6 (91 kW, 155 Nm) en 1.8 liter (104 kW, 176 Nm).

Nou, die Cruze is skaflik op’t oog en sag op die lyf, gegee bande met hoë 60-profiele en vering wat vir ritgehalte eerder as die renbaan ingestel is. Die omgekeerde vergelyking is natuurlik ’n fout wat deur heelwat vervaardigers gemaak word, hoewel mens nie die Europeërs kwalik kan neem nie. Per slot van sake word hul motors gebou vir goeie padoppervlakke plus ’n publiek wat dikwels op nou kronkelpaadjies moet bestuur – en entoesiasties daaroor is.

Sulke mense soek motors wat goed hanteer. In Amerika, waar nege-tiendes van die bevolking swak bestuur, en waar almal in ’n reguit lyn ry, is veerstelsels veel sagter.

En wees nou eerlik: Suid-Afrikaanse werklikhede – in terme van paduitleg sowel as voertuigbestuurders – trek veel strenger op die Amerikaanse model. Dit nou ten spyte van ons voorliefde vir Europese motors wat net so gekoop word, sonder aanpassings in terme van kleiner wiele met hoër bandprofiele.

Op einste punt is dit dus verbasend om te sien dat Chev hul Orlando LT met 45-profielrubber op 18”-wiele toerus! Mensig, Chev, die Orlando is ’n familiebussie – of dan ’n mensekarweier, soos die industrie dit soms noem. Die veerstelsel is boonop nie die mees gesofistikeerde nie.

Ewe verstommend is dit om te sien dat Kia hul pas gekuurde Soul 2.0 met dieselfde grootte band en dieselfde lae profiel – 225/45R18’s – toerus. Die 1.6 liter ry darem op ’n 55-profiel – en niks minder sal doen nie.

Nou, ’n 60-bandprofiel is nie die enigste “60” in die Cruze se guns nie; tenkvolume is boonop 60 liter, ’n goeie syfer vir dié segment. Eweneens is bagasiespasie uitstekend; die sedan se kattebak is enorm en die nuwe luikrug s’n uiters groot (413 liter) – en dit sonder om die brandstoftenk te krimp of ’n volgrootte spaarwiel prys te gee.

Waar die Cruze egter op syfergebied kortskiet, is in die kas se aantal gange: net vyf vir alle handratte buiten die sedan se 2.0?liter-dieselmodel. Buiten dat dit die verkoopprys sny, maak net vyf gange nie veel sin op ’n 1.8 liter-model nie, maar op die 1.6?liter kan mens verstaan dat ’n sesde rat feitlik onnodig is; 91 kW klink na goeie krag vir ’n 1600, maar die Cruze is, selfs in luikrugvorm, ’n groot motor (4 514 m lank) en nie die ligste in sy segment nie, wat beteken dat die 1.6 korter en sterker ratte soek om sy lyf rond te sleep.

Teen ’n amperse 13 sek. van nul tot by 100 km/h is die 1600 so-by-so ’n rapsie traag, terwyl die 1800 die lopie darem tot 11 sek. sny. Topsnelhede is 188 km/h en 195 km/h onderskeidelik en die amptelike verbruiksyfer minder as 7 liter/100 km vir albei.

Al twee motors word ook met ABS-remme met skywe alom, kragvensters alom, ses lugsakke, CD-klank, stabiliteitsbeheer en traksiebeheer toegerus, en die waarborg, asook roeswaarborg strek vir vyf jaar; die versienplan vir 3 jaar/60 000 km.

Al dié dinge maak ’n sterk saak vir die Cruze, hetsy in sedan- of in luikrugvorm. Maak net seker dat jy met die dieselmodel (in die sedanreeks) se vinnige enjindemping kan saamleef as jy van die versneller klim; dit kan tot rukkerige vordering in kruipverkeer lei.

Wat Chev se saak egter in my vriend se geval beklink het, is prys en goeie diens. Dis nie asof motors in dese tye hul eie enjins aanskakel en self van die handelaarsvloere af vlieg nie. O nee. Ons leef in taai tye.

En dan kry jy verkoopsmense wat eerder ’n koppie tee sit en drink as om navrae oor ’n moontlike handelstransaksie op te volg.

Laat my ’n bietjie aan Telkom-diens dink. Waarop mens seker maar net kan sê: Ach du liebe...

Pryse – Chev Cruze-luikrug
1.6 LS – R212 400
1.8 LS – R224 800

Lees Rapport se kommentaarbeleid

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 14-17°C a few showers. Morning clouds. Mild. Pta: 4-19°C Sunny. Mild.
Jhb: 1-13°C Sunny. Refreshingly cool. Bfn: -3-14°C Sunny. Refreshingly cool.
Dbn: 8-22°C Mostly sunny. Cool. PE: 14-16°C Scattered showers. More sun than clouds. Cool.
7-dag-voorspelling...

Betrekkinge - Vind jou droomwerk

Beauty Sales consultant

Roodepoort
New East Consulting Services (Pty) Ltd
R10 000 - R20 000 Per Month

Sales

East Rand
New East Consulting Services (Pty) Ltd
R10 000 - R40 000 Per Month

Internal Sales Consultant needed immediately!

Sandton
New East Consulting Services (Pty) Ltd
R10 000 - R24 000 Per Month

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!