Dosent, Port Elizabeth

Rapport-gebruiker

ANC sal gou moet besin oor Zuma

deur Dosent, Port Elizabeth 2012-09-09 01:16

Politieke ontleders het die afgelope tyd baie gefokus op die morele bankrotskap van die ANC.

Daar is onder meer verwys na die wyse waarop die staat swart ekonomiese bemagtiging bedryf en dat dit in die praktyk neerkom op nepotisme, baantjies vir boeties en korrupsie.

Die ontleders het verder gemeld dat die ANC die landsbestuur as ’n instrument vir die akkumulasie van mag en persoonlike verryking beskou.

Baie van hierdie wanpraktyke waarop gefokus is, vind vergestalting in die persoon van Jacob Zuma.

Die kernprobleem wat Zuma betref, is die feit dat hy nie landsbelang eerste stel nie. Die begrip “Suid-Afrika eerste” kom nie in sy woordeskat voor nie. ’n Mens kry al hoe meer die indruk dat hy selfs nie die belange van die ANC voorop stel nie. Daar is geen twyfel meer nie dat Zuma sy eie, selfsugtige belange voorop stel.

Zuma is dus ’n blok aan die been van die ANC. Hy word in ’n toenemende mate ’n meulsteen om die nek van die party, wat klaarblyklik self al hoe kriewelriger raak. Alles dui daarop dat die ANC by ’n kruispad staan. Die vraag wat die ANC vir homself moet stel, is hoe lank Zuma as president van die party geduld moet word.

Vir solank Zuma president van die ANC is, sal die ANC moreel bankrot bly. Wat dié magtige party nou nodig het, is leiers met moed en integriteit wat bereid is om op te staan en voor die wêreld te verklaar: Genoeg is genoeg!

Voortspruitend hieruit is Suid-Afrika besig om al hoe meer die eienskappe te openbaar van ’n mislukte staat.

Die land gaan op velerlei terreine die kreeftegang. Met Zuma as president is die land in ’n groot mate leierloos. Daar gaan van hom ook geen besieling uit nie.

Trouens, hy is besig om ’n bespotting en ’n verleentheid te word.

Trevor Manuel se beplanningsbloudruk vir Suid-Afrika sal op die rak bly lê en stof vergader vir solank Zuma president van die land is.

’n Mens kan maar net hoop dat die ANC betyds tot sy sinne sal kom en die belange van Suid-Afrika en ál sy mense voorop stel.

Lees Rapport se kommentaarbeleid

Lewer kommentaar op hierdie artikel
11 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 13-15°C More sun than clouds. Cool. Pta: 14-27°C Sunny. Pleasantly warm.
Jhb: 8-20°C Sunny. Mild. Bfn: 2-17°C Sunny. Mild.
Dbn: 16-21°C More sun than clouds. Cool. PE: 12-18°C Partly cloudy. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!