- Artikelopsies
- Deel
- Kry Rapport op
ANC tot in ewigheid
deur Tim, Glenstantia, Pretoria
2013-02-02 23:25
Luidens ’n berig in Rapport van 27 Januarie wil dr. Mamphela Ramphele ’n politieke party begin.
Ek het slegte nuus. Daar is geen manier dat ’n regerende party wat ’n vryheidsbeweging was ’n verkiesing sal verloor nie. Om twee redes.
Ten eerste vrees kiesers dat hulle weer tweedeklasburgers gaan word onder ’n ander party. Dit is ook ’n vrees wat die regerende party voor elke verkiesing uitbuit. Dit verklaar hoekom kiesers aan talle protesoptogte deelneem, maar in verkiesings getrou hul kruisies agter die regerende party se naam trek.
Ten tweede sal so ’n regerende party nooit weer afstand doen van die mag en staatsrykdomme waartoe hulle toegang verkry het nie, al beteken dit ’n gepeuter met verkiesingsuitslae.
Nee wat, aanvaar maar dat ons oud-vryheidsbeweging aan die bewind sal bly totdat Jesus weer kom – of ’n staatsgreep plaasvind, watter een ook al eerste gebeur.
Ons enigste redding lê daarin dat burgerlike organisasies opstaan, groei en hande vat sodat hulle die regering om elke hoek tot verantwoording kan roep en tot verantwoordelike regering dwing.