- Artikelopsies
- Deel
- Kry Rapport op
Audi se optrede skok
deur Dion Roder, Ladysmith
2012-08-19 00:19
Ek is eerlik geskok dat Audi se bemarkers dit raadsaam ag om net ’n Engelse Sondagblad te laat berig oor die voertuigborgskap van die Olimpiese swemmer. Boonop word Rapport aktief weggedryf.
Dit is inderdaad hartseer dat ons swemheld nou betrek word by ’n situasie waar Audi dit raadsaam ag om Afrikaanssprekendes in die gesig te vat met die implikasie dat dit beter is om die voertuig onder die Engelssprekende lesers te bemark.
Ek meen as ons nie goed genoeg is om deur Audi gewaardeer te word as potensiële kopers nie, moet ons die voertuig maar boikot. Die advertensiemaatskappy moet dan aan Audi verduidelik hoekom ’n beduidende marksegment ongelukkig is met hul produk.
Daar is tog verskeie ander Duitse voertuie waardeur ons Audi maklik kan vervang!