- Artikelopsies
- Deel
- Kry Rapport op
Betaal studie self
deur Trudie Oosthuizen, Groblerpark
2012-01-28 13:35
Dr. Blade Nzimande het in Rapport (15 Januarie) te kenne gegee dat die regering maniere wil vind om staatsamptenare te help om hul kinders se naskoolse studies te bekostig.
Die polisieman wat ongelukkig is omdat hy nie weer ’n lening kan kry nie, moet miskien daaraan dink om sy jaarlikse bonus te gebruik om die studies te betaal.
Ek was self ’n lid van die polisie en het my twee kinders se jaarlikse skoolgeld met my jaarlikse bonus betaal. Ek het hulle deur universiteit gekry deur my bonus daarvoor te gebruik. Ek het nooit die voorreg gehad om my bonus aan luukshede of vakansies te bestee nie, en ek is vandag dankbaar daaroor. My kinders het hul universiteitsopleiding voltooi en ons het geen studieskuld nie.
As ek dit kon doen, kan ander dit doen. Moenie sit en wag vir ander om die lewe vir julle gemaklik te maak nie.