- Artikelopsies
- Deel
- Kry Rapport op
Bring hardlooprugby terug
deur Danie Smith, Glenstantia
2012-09-22 23:41
Dr. Danie Craven was van mening dat as beroepsrugby intree, rugby tot niet sal gaan.
Wel, ons het nou beroepsrugby en dit lyk of dit gekom het om te bly.
Maar ons het egter in Suid-Afrika in ’n groot mate die opwindende rugby van die amateurdae verloor.
Dit berus egter by die verskillende unies en afrigters om dit weer terug te bring.
As almal byvoorbeeld Griekwas se benadering wil volg om met die bal te hardloop en nogtans te wen, kan ons weer opwindende rugby sien.
As dit gebeur, sal die nasionale spanne weer insgelyks dieselfde soort rugby speel.