- Artikelopsies
- Deel
- Kry Rapport op
Christelike waardes help min
deur F. Serfontein, Middelburg
2012-09-09 01:16
Die Christelike waardestelsel waarna Flip Buys verwys in sy “Die dood van God”-rubriek (Rapport, 2 September) kan kwalik bydra tot die oplossing van ons probleme.
Die uitsprake in die evangelies – soos saamgevat in enkele van talle voorbeelde hierby lê – nader aan die basis van die probleem en lei tot groot verwarring en onrealistiese verwagtinge in enige verdeelde en ongelyke samelewing:
* Ek kom nie om vrede te bring nie, maar die swaard. (Matt. 10:34);
* Diegene wat nie ’n swaard het nie, moet sy klere verkoop en een aankoop. (Lukas 22:36);
* Moenie planne maak vir die toekoms nie. (Matt. 6:34);
* Moenie ryk word nie. (Markus 10:21,25);
* Haat jou familie (oorspronklike Grieks). (Lukas 14:26);
* Vat geld van die armes en gee dit vir die rykes. (Lukas 19:23-26); en
* As iemand van jou steel, moenie dit probeer terugkry nie. (Lukas 6:30).
Die waardevakuum wat Buys so ontstel, is siklies en, soos die geskiedenis herhaaldelik bewys het, nie naastenby so erg soos die tirannie van ’n teokrasie nie.