- Artikelopsies
- Deel
- Kry Rapport op
Duurder, maar kry ál minder
deur A.C. Erasmus, Pretoria
2012-07-21 23:58
Nog nooit was ek dit so eens met ’n berig soos “Medies styg dáárom” (Rapport, 15 Julie) nie. Onder meer word genoem dat die groot mediese fondse die afgelope boekjaar R12 miljard aan administrasie bestee het.
Die jaarlikse styging in die tariewe van mediese fondse is vir my ’n nagmerrie, aangesien ek ’n hartpasiënt is en die beste bekostigbare opsie moet kies. Dis ’n geval van jaarliks al hoe duurder vir al hoe minder diens.
My jaarlikse ondersoek en bloedtoetse word uit my spaarrekening betaal, met die gevolg dat daar weinig geld oorbly vir ander doktersbesoeke.
Soms dring die mediese skema aan op ’n brief wat my besige kardioloog moet skryf om te bevestig dat ’n jaarlikse besoek nodig is. Die ICD-10-kodes (die stelsel waarvolgens diagnoses gemaak word) is gewoonlik ook ’n bron van baie briefwisseling of telefoonnavrae voordat betaling goedgekeur word.