- Artikelopsies
- Deel
- Kry Rapport op
Een Casper genoeg
deur Hendrik Bezuidenhout, Randburg
2012-01-28 13:35
Ek het met groot opgewondenheid ’n kykNET-kyker geword omdat ek dol is oor Afrikaans, asook baie lief is vir my taal.
Ek is egter teleurgestel. Dit blyk dat kykNET nie genoeg materiaal het nie, vandaar die baie heruitsendings.
Ek gee nie om vir ’n herhaling van die dag se programme in die aand nie; ook nie as dit na-nag weer uitgesaai word nie. Dit bevredig almal se kyktyd, ongeag watter ure gewerk word.
Wat my gedaan maak is Vrydag- en Saterdagaand, wat nou versuur word deur die program Skerp. Indien Afrikaanse humor slegs uit kru taal en vieslikheid bestaan, wil ek my daarvan distansieer.
Dan neem gesoute akteurs soos Tobie Cronjé, asook Karen Wessels, daaraan deel.
Een Casper de Vries is genoeg.
Karen Meiring, help asseblief!