- Artikelopsies
- Deel
- Kry Rapport op
Erge ondervinding in 'ongevalle'
deur Petro Scheepers, Meyerton
2012-05-02 14:41
My dogter is vandag deur 'n boerboel in die gesig gebyt. Al is dit nie 'n baie groot wond nie was dit diep en steeds 'n hondbyt.
Ek gaan toe na Vereeniging Medi Clinic se ongevalle eenheid waar ek gesê word dat my kind eers gehelp kan word as ek R480 betaal (al het ek 'n mediese fonds).
Ons wag toe net meer as 'n uur en half voor 'n dokter by ons uitkom. Die dokter wat uiteindelik daar aan kom praat so swak Engels dat ek nie kon uitmaak wat hy sê nie.
Die verpleegster verduidelik toe dat hulle vir my 'n voorskrif gaan gee wat ek na 'n nabye apteek moet neem om medikasie te kry omdat hulle nie medikasie het nie (dis nou 'n privaat hospitaal). Dan moet ek dit na die hospitaal toe bring sodat hulle my kind kan behandel!
Ná ek ontplof het en gesê het dat ek geen kontant meer by my het vir bybetalings nie, maak hulle toe gou 'n plan om medikasie in die hande te kry. Dit het gevoel of ek in 'n staatshospitaal is.
Hoekom betaal mens dan soveel vir 'n mediese fonds as die hospitale so optree?
Ons het 16:48 daar ingestap en is eers 19:37 daar uit – en daar was nie eens baie mense saam ons daar nie.
