- Artikelopsies
- Deel
- Kry Rapport op
Hulle hét identiteit
deur Koos Botha, Arcadia
2012-02-04 14:43
Ek kon die skynbare identiteitsdepressiwiteit van Sydney Opperman (Rapport2, 29 Januarie) en veral van bruin intelligentsia nog nooit begryp nie.
Toe Van Riebeeck in 1652 aan die Kaap die Goeie Hoop aanland, was die “Boesmans” moontlik al 1 000 jaar in die land.
Hul herkoms is waarskynlik tropiese Oos-Afrika. Ná die aanraking van koloniste van drie kontinente met die Khoisanmense het ’n nuwe bevolkingsgroep ontstaan wat vandag as “bruin mense” bekend staan. Hul wieg staan aan die voet van Tafelberg. Hulle is die X-faktor.
Daar was in hierdie land ook ’n koloniale begin en nie net ’n suiwer inheemse (swart) begin nie. Nou is die tyd dat die bruin mense volwaardige medeseggenskap in die hoogste gesagsorgane van die staat verkry. Hulle hét ’n identiteit.