- Artikelopsies
- Deel
- Kry Rapport op
Julius, en die SA Godfather?
deur André Christof
2012-02-16 09:30
Ek sien Julius Malema sê die afgelope naweek wit regters in Suid-Afrika is die Mafia en hulle beheer die regbank.
Vir seker is dit nie waar nie, daar die meerderheid regters swart is.
Wat wel so mag wees, is dat die wit regters dalk meer na die tafel toe bring as wat dit Julius pas, om ooglopende redes … hy is immers self in die spervuur as tenderpreneur.
Hierdie het my oor die volgende laat besin en dit is, terwyl ons dan etikette om mekaar se nekke in hierdie spraakvrye land hang en ons nóg nie gemuilband is nie, kan pres. Jacob Zuma dan nie as die Godfather in Suid-Afrika gesien kan word nie?
Dit is nou die eweknie van die Italiaanse Godfathers of die Amerikaanse weergawes, buiten dat Zuma geen, maar geen opdrag ter fisiese slagting van sy teenstanders gegee het nie en dit nog minder voorstaan.
Maar dis verseker dat Zuma in die res van sy optrede die optredes van die oorsese Godfathers sal versinnebeeld.