- Artikelopsies
- Deel
- Kry Rapport op
Kortsigtige ANC-leierskap in Wes-Kaap
deur Gisela Weinmann, George
2012-11-17 13:39
Na aanleiding van die protesaksie op die plase in die Wes-Kaap, en gepaardgaande skade aan eiendomme:
Ons landbouers het ook nou hulle eise. Soos gister (Vrydag) ingedien deur TLU-SA by die staatspresident, die regering en minister van landbou.
Voorbeelde van eise is: die beskerming van landbouers, plaaswerkers en hulle eiendom tydens gewelddadige protesaksies, 'n verlaging in Eskom se elektrisiteitstariewe (ek sê ten minste 50% verlaging); goedkoper diesel; en vergoeding vir skade aan eiendome wat veroorsaak is deur die polities-gemotiveerde staking. Sodoende sal landbouers 'n beter lewe vir almal kan bied, asook die werkslading minder maak op die verminderde arbeidsmag op plase weens kostestyging in diesel- en elektrisiteitskoste.
Maar as die regering nie voldoen aan die landbouers se eise nie, sal ons ook nou 'n trekker neem en 'n Eskom transmissie-lynpaal omtrek, of met 'n klomp trekkers in 'n olie-raffinadery inploeg? Nee.
Dís wat ek verstaan as ek na Tony Ehrenreich en Marius Fransman, die ANC se Wes-Kaapleiers, se redenasie luister van wat die beste plan van aksie is as daar nie aan jou eise voldoen word nie. Ontwrig. Brand af. Veroorsaak chaos. Dít is blykbaar die antwoord vir alle probleme volgens hierdie tweetjies.
Ons is baie trots op die landbouers wat nie toegelaat het dat hulle in 'n tweede Marikana op eie bodem ingesleep is nie. Dis al doel wat ek daarin sien. Die aanhitsers se plan het misluk.
Mag hulle rol in hul frustrasie soos 'n vark in modder.