- Artikelopsies
- Deel
- Kry Rapport op
Marikana sangoma se skuld
deur Chris Roos, per e-pos
2012-09-09 01:16
Dis vir my ongelooflik hoe mense verby die geskiedenis kan kyk.
’n Soortgelyke Marikana-slagting het reeds meer as 100 jaar gelede plaasgevind.
Ons weet dat sangomas ’n rol gespeel het in die onlangse Marikana-slagting. Dis veral Xhosawerkers wat gehoor gegee het aan hul sangomas, wat gesê het die werkers sal onsigbaar wees as hulle die polisie sou storm. Nodeloos om te sê wat die uitslag was.
In 1852 tot 1857 was daar ’n sangoma, Nonqwashe, wat die Xhosas opdrag gegee het dat hulle al die vee moet doodmaak, dan sal die wit mense in die see verdwyn.
Inderdaad is daar gehoor gegee en duisende stuks vee is gedood. Meer as 40 000 mense is toe dood weens honger.
Die boek Xhoza and Christianity beskryf hierdie slagting baie duidelik. Die sangoma is dus regstreeks verantwoordelik vir die Marikana-slagting.