- Artikelopsies
- Deel
- Kry Rapport op
Mis in Eikestad was bevrydend
deur Marianne de Jong, Johannesburg
2012-12-16 00:04
Ek wil graag Cas van Rensburg se opmerkings* oor sy kennismaking met die Katolisisme op Stellenbosch beaam. Ek het self as Afrikaanssprekende NG student in die laat 1960’s lid geword van die Katolieke Studentevereniging. Die besprekings by die St. Niklaas-priory en Vrydae se mis in die klein gemeentekerkie onthou ek as ’n bevrydende intellektuele en godsdienstige ervaring.
Toe kon jy met die Vrydagoggendmis enkele bekende Stellenbosse Afrikaanssprekendes in die kerkie sien. Soms het een van vaders die mis in Afrikaans (probeer) bedien. Ek sien uit na Acáma Fick-hulle se CD.
*Lees artikel hier.