- Artikelopsies
- Deel
- Kry Rapport op
Niemand ’n eiland
deur Cliff Saunders, Northcliff
2012-02-04 14:43
Ag nee wat, word deur baie gesê. Hoekom die bohaai oor die DA-jeug se plakkaat? Die wit man lyk soos enige man wat meer tyd by die “gym” deurbring as met sy boeke en die mooi, jong dame lyk baie soos ’n bruingebrande Angelina Jolie met ’n swart pruik van Chinese afkoms.
Of die tweetjies eendag gaan trou is ’n ander saak. In die VSA is die persentasie wit mense wat met “African Americans” trou minder as 10%. Hoe lank hulle getroud bly en hoe gelukkig hul ouers en kinders is, weet ek nie. Die Engelse sukkel al van Shakespeare se tyd met die gesegde dat mense nie verskil nie, want “ons het almal dieselfde bloed”. In All’s Well That Ends Wel l skryf hy: “Strange is it that our bloods, of colour, weight and heat pour’d all together would quite confound distinction, yet stand off in differences so mighty.” Mens kan sê hoe belangrik mense hierdie verskille ag is hul saak, niemand anders s’n nie. Dit is waar. Maar, ongelukkig is daar ook waarheid in die woorde van die digter John Donne: “No man is an island entire of itself…”
Dit word al hoe meer waar, gegewe hedendaagse, moderne maniere van kommunikasie.