- Artikelopsies
- Deel
- Kry Rapport op
Nuweland-skare swakste
deur Riaan, per e-pos
2012-07-07 14:35
Hoewel ek in Gauteng woon, besit ek jare lank al seisoenkaartjies vir Nuweland, waar ek die afgelope naweek weer beleef het hoe ongeskik die toeskouers is.
Ek was ook onlangs op Loftus vir die wedstryd van die Bulls teen die Stormers waar die toeskouers gevra is om nie die stelskoppers uit te jou nie. Die toeskouers het die versoek eerbiedig en was tydens skoppe stil.
By ander stadions gebeur dieselfde onding, maar Nuweland is verreweg die ergste. Kan by alle stadions nie ’n versoek gerig word om die spelers te eerbiedig nie?
En kan toeskouers nie ook maar bly sit tydens goeie bewegings nie? As almal opspring, mis ons die bewegings wat lei tot die drie en kan ons netsowel alles tuis op TV kyk.
Ek, ook ’n Stormers-ondersteuner, is toevallig die naweek op Nuweland hieroor in kru taal uitgeskel toe ek so ’n versoek rig.
Kan ons nie mekaar maar in ag neem nie?