- Artikelopsies
- Deel
- Kry Rapport op
Ondersteuners inspireer
deur Werner Bekker, Umhlanga
2009-10-17 19:10
As een van die grootste Springbok-ondersteuners is ek verstom.
In Bafana Bafana het ons die nasionale sokkerspan wat agt van hul laaste nege wedstryde verloor het. Hulle is hier in die middel 70’s op die wêreldranglys.
Die laaste verloorwedstryd was teen Ysland, wat amper 100ste op die ranglys is. En so kan mens aangaan oor al hul “prestasies”.
Maar Vrydagoggend, twee dae ná hul swak vertoning, sit die hele Morning Live-span in Bafana-truie. En al die ondersteuners eis net die kop van die afrigter.
Was dit die Springbokke wat so pateties gevaar het, sou die Springbok-truie nêrens in sig gewees het nie en ek sou tien teen een vir ’n ruk lank eerder onderwaterhokkie begin kyk het.
Dalk is daar ’n les te leer by die Bafana-ondersteuners, want hul patriotisme is inspirerend.
Of dalk weier hulle net om te erken dat die grootste sport in ’n land nie noodwendig die beste gespeel word nie?…