- Artikelopsies
- Deel
- Kry Rapport op
Oscar...
deur André Christof
2013-02-23 10:08
In die Wes-Kaap sien ons daai plakkate, die bokkie wat so traan.
Ons mag nie vure maak nie, nie brand nie.
Kliek daai ene in jou kop. Haak dit vas.
Wonder jy wat het dan van ons geword.
Die renoster?
Ons staan almal in daai bank, word ons beskuldig, nee, en is ek die eerste wat sê nee, nee, nee, dit was nie ek nie.
Kliek die mense met daai kameras, kliek dit, want ek is in die dok.
Hulle mag mos.
Ek was nooit ‘n Oscar-man nie. Ek was self ‘n alteet, ek kon maar, en is dit nie waarom dit gaan nie?
Wat ek sê is dat ek nie Oscar was nie, maar is dit reg dat hy soos daai bokkie is? Hy stap in die hof, die verrigtinge het nog nie begin nie. So moet hy paradeer.
Gaan staan hy daar in die dok. So is die regulasies.
Flits die kameras, is sy oë na die grond gekeer.
Isak is sy naam, of is dit?
Onskuldig, skuldig, is nie waaroor dit gaan nie.
In lewe en dood is menslikheid die maatstaf.
Gaan staan Oscar, skuldig of onskuldig in daai dok, kliek die kameras, kliek kliek, kliek ….
Die oë op die grond.
Wat het van ons geword?