Petrus van Eeden, Nederland

Rapport-gebruiker

• Artikelopsies
  • Druk artikel
  • e-pos artikel
• Deel
  • Yahoo
  • Google
  • Digg
  • del.icio.us
  • Facebook
  • Twitter
• Kry Rapport op
  • Jou selfoon

Plekname moet meertalig wees

Dit is vreemd dat ons so kan twis oor plekname. In die tweetalige België (amptelik drietalig) het talle dorpe en stede twee name.

Die hoofstad van België heet in Nederlands Brussel en in Frans Bruxelles. Die groot Vlaamse stad Antwerpen heet in Frans Anvers.

Verder nog enkele voorbeelde van tientalle Waalse dorpe en stede met dubbelname: Bassilly (Frans)/Zullik (Nederlands); Otrange (Fr)/Wouteringen (Ned); Flobecq (Fr)/Vloesberg (Ned); Wihogne (Fr)/Nudorp (Ned); Oreye (Fr)/Oerle (Ned); Hainaut (Fr)/Henegouwen (Ned); Mons (Fr)/Bergen (Ned) ensovoorts.

In Suid-Afrika ken ons ook ’n stad met ’n dubbelnaam, naamlik: Kaapstad/Cape Town. Dit pla niemand nie. As Kaapstad/Cape Town vir ons aanvaarbaar is, moet Pretoria/Tshwane; Potchefstroom/Tlokwe ensovoorts ook aanvaarbaar wees.

In ’n meertalige land moet plekname ook meertalig wees en liefs amptelik erken word.