- Artikelopsies
- Deel
- Kry Rapport op
Roodt skeel Max min
deur Max du Preez, Kaapstad
2010-01-16 16:00
Rapport se berig verlede week dat ek en Dan Roodt “mekaar die stryd aangesê” het, is erg misleidend.
Ek het geen belang daarby om enigiets met Roodt te make te hê of om debat met hom te voer nie.
Hy is op die “lunatic fringe” van die “lunatic fringe”.
Die storie oor die “masturberende apie” in my jongste boek, Dwars, is bloot ’n terloopse verwysing na ’n stuk wat ek in 2005 geskryf het oor my weiering om saam met Roodt aan die Stellenbosse Woordfees deel te neem. Ek het onlangs kennis geneem dat Roodt ’n webblad in my naam begin het en absoluut niks daaraan gedoen of met enigiemand daaroor gepraat nie.
Dit skeel my niks. Rapport se verslaggewer het my daaroor gebel en ek het die hele ding met ’n bietjie humor probeer afmaak.
Jul storie maak my ’n akteur in ’n drama waarmee ek absoluut niks te make het nie.