Rapport-gebruiker

Wilmot James: SEB-beleid verseker inklusiewe ekonomie

deur 2012-10-05 12:42

In Frans Cronjé se rubriek wat twee weke gelede in hierdie ruimte verskyn het, argumenteer hy dat die DA sy tradisionele kiesersbasis verloën met sy beleid oor swart ekonomiese bemagtiging (SEB).

Inteendeel. Sy kritiek laat buite rekening dat die DA se voorstelle oor SEB daarop gemik is om ’n inklusiewe ekonomie te vestig deur ’n sterker fokus te plaas op opleiding en werkskepping as basiese steunpilare vir bemagtiging, en om ’n ondersteunende omgewing te skep vir klein ondernemings – die enjin vir groei.

Die DA glo dat hierdie inklusiwiteit primêr bewerkstellig kan word deur ’n groeiende ekonomie waaraan ’n groeiende poel Suid-Afrikaners kan deelneem. Ons meningspeilings toon dat ons “tradisionele” én ons potensiële kiesers ons beleidsvoorstelle ondersteun.

In sy kritiek op ons beleid maak Cronjé drie fundamentele foute. Eerstens beweer hy dat daar niks nuut in die beleid is nie.

Ons maak in der waarheid tien voorstelle wat die wyse waarop SEB toegepas word ingrypend kan verander.

’n Tweede punt sluit hierby aan. Cronjé reken dat ons benadering tot bemagtiging suiwer rasgebonde is. Ons beleid bevat egter vier verskillende voorstelle waarin ons aanbeveel dat ’n meer inklusiewe, ras-blinde benadering gevolg word.

Dit sluit in: Die erkenning dat werkskepping ’n bydrae lewer tot sosio-ekonomiese ontwikkeling – ongeag die rasprofiel van die werknemers wat die poste opneem.

Ook die erkenning dat alle jong Suid-Afrikaners moet en kan baat vind by ons voorgestelde jeugloon-subsidieprogram en ’n aanbeveling dat beleggings in opleiding vir enige persoon wat minder as R15 000 per maand verdien as ’n bydrae tot vaardigheidsontwikkeling erken word.

Laastens moedig ons gevestigde ondernemings aan om alle klein ondernemings te ondersteun.

Cronjé voer ook aan dat SEB rassisties is omdat dit die verantwoordelikheid vir bemagtiging aan “wit mense” toeskryf.

Hierdie standpunt aanvaar dat alle ondernemings deur wit mense besit word en dat daar geen swart besluitnemers in die ekonomie is nie.

Die SEB-wetgewing en telkaart was nog nooit beperk tot wit sakeondernemings en besluitnemers nie.

Dit is ’n uitnodiging aan elke Suid-Afrikaanse onderneming om tot ekonomiese inklusiwiteit by te dra.

Die beweegrede agter die DA se benadering tot SEB is dat ’n situasie waarin ’n groeiende poel mense om al hoe minder geleenthede meeding, nie volhoubaar is nie.

Die fokus is op opleiding, werkskepping en ondersteuning vir klein ondernemings en sal altyd sentraal tot die DA se ekonomiese beleid wees.

Ons huidige SEB-benadering stel teikens vir 2017 en daar word voorsiening gemaak vir ’n herevaluering van die gepastheid van die beleid vir Suid-Afrikaanse werklikhede.

Ons glo dat daar ’n vensterperiode moet wees, waarna alle ondernemings in Suid-Afrika in ’n ras-neutrale omgewing behoort te funksioneer.

Ons het ’n inklusiewe ekonomie nodig om ’n inklusiewe samelewing te bou. Die DA se voorstelle sal presies dít doen.

Dr. Wilmot James is die DA se skadu-minister van handel en nywerheid.

Lees Rapport se kommentaarbeleid

Lewer kommentaar op hierdie artikel
8 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-19°C Sunny. Mild. Pta: 5-23°C Sunny. Mild.
Jhb: 4-18°C Sunny. Mild. Bfn: 3-22°C Sunny. Mild.
Dbn: 10-25°C Sunny. Mild. PE: 15-26°C Sunny. Warm.
7-dag-voorspelling...

Betrekkinge - Vind jou droomwerk

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!