- Artikelopsies
- Deel
- Kry Rapport op
Spelers moet beter bestuur word
deur Bartel Pieterse, Pretoria
2012-09-22 23:41
Ek kan nie meer my Blou Bul-vriende kalmeer nie. Beskuldigings soos “Morné het al twee wedstryde vir ons verloor” het ek geantwoord met “ja, maar hoeveel wedstryde het hy vir julle gewen”? Nou kan ek nie meer nie.
Vir die rugbykykers lyk dit of die administrateurs en afrigters óf te subjektief betrokke raak by individuele spelers óf hulle is onder finansiële druk omdat sekere spelers gekontrakteer is en die begroting laat nie verdere kontrakte toe nie. Of dit kan, wat ek nie wil glo nie, ’n hardkoppige voorliefde vir sekere spelers wees en weens ’n besondere verhouding gaan objektiwiteit verlore.
Die spelers moet beter bestuur word. Spelers wie se hande beseer is, kan nie net doodgespuit word omdat hulle in ’n kritieke Curriebekerwedstryd moet uitdraf nie. In sommige gevalle kos dit operasies en kan hulle vir maande nie vir die Bokke speel nie.
In Morné se geval is dit ’n kop-ding wat moet genees.
Ek dink om spelers 80 minute te laat speel is ook vir die wolwe gooi. Ek was al dankbaar dat ’n speler seerkry dat hy net ’n ruskans kry. Gewoonlik kom hy met groot sukses ná ’n besering terug.