- Artikelopsies
- Deel
- Kry Rapport op
Steeds vrae oor Lotto
deur B. van Deventer, Pretoria
2012-09-29 22:19
Dit lyk my ons ou volkie het dit laat vaar om te kla oor wat ons glo bedrog met die Lotto is.
Vandat die laaste brief daaroor in Rapport se briewekolom verskyn het, was daar nog ’n hele aantal baie vreemde sogenaamde wenners. ’n Paar weke gelede was die prysgeld R25 miljoen, wat toe kastig deur drie persone gewen is.
Elkeen het ’n bedrag van R8,333 miljoen gekry...
Op Woensdag 26 September was daar een wenner wat glo R19 680 776 gewen het...
Die tweede prys was R328 090.
En hoe is dit moontlik dat niemand na vore kom as ’n wenner nie? Nie ek of jy of enigiemand anders wat ek ken is wenners nie!
Hoe lank gaan dit nog voortduur? Is daar niemand wat dié beweerde skelmstreke kan ontbloot nie?
Ek dink ’n baie wakker verslaggewer sal bedrog kan blootlê. Hoe lyk dit, Rapport?