- Artikelopsies
- Deel
- Kry Rapport op
Tranerige Bokke knou erfenis
deur Stertveer, Johannesburg
2012-09-29 22:19
Sommige Springbokke se houding terwyl die volkslied voor toetswedstryde gesing word, is myns insiens pateties.
Dit lyk of hulle in ’n beswyming verkeer en/of dat hulle op die punt staan om in trane uit te bars en/of dat hulle knyp. Dit ondermyn die waardige herkoms en statuur van Springbok-rugby; dis ’n verleentheid vir Springbok-ondersteuners en sommer vir almal wat toekyk. Dit stel ook ’n swak voorbeeld aan die jonger geslag en dra niks by om die spelpeil te verbeter nie.
Komaan, Springbok! Wees tog volwasse! Vertoon tog manhaftig en gestaal vir jou opdrag!
Kyk vierkant voor jou uit en as jy voel jy móét saamsing (dis wel nie ’n vereiste nie), doen dit dan gerus.
Ai, as ek die Springbokke se afrigter was, hoe graag sou ek die betrokke spelers nie hieromtrent van hulp wou wees nie.