- Artikelopsies
- Deel
- Kry Rapport op
Anna-Mart: net snaaks as sy 'n jas dra
deur Leandi Claasen
2013-02-23 23:00
Anna-Mart van der Merwe, veteraan aktrise:
1. So, van watter Van der Merwes is jy?
Schalk Willemzoon van der Merwe en Anne Prevot (De Hoop/Wittenberg). My pa was Barend Johannes (Barney) van der Merwe wat op Barkly-Oos gebore is. My ma, Martha Reyneke (Reyna) du Toit wat op Clanwilliam gebore is.
2. Voel jy trots om ’n Van der Merwe te wees?
Ja, maar ook trots op die feit dat ek helfte du Toit is.
3. Hoe oud was jy toe jy die eerste keer die teiken was van ’n Van der Merwe-grap was?
Kan nie onthou nie. Vir een of ander rede vertel mense die grappe agter hul hande as hul weet jy’s ’n Van der Merwe, terwyl hul jou stip dophou vir jou reaksie. Watter aspek van, “deel die grap”, verstaan hul nie?
4. Het jy Van der Merwe-vriende?
Van my beste vriende is van der Merwes.
5. Was jy al ooit skaam om ’n Van der Merwe te wees?
Nee.
6. Wat is jou gunsteling Van der Merwe-grap?
Het nie een nie. Ek’s in elk geval sleg met grappe onthou.
7. Lag jy nog vir hulle?
Wanneer ek hul onthou.
8. Oor wie maak Van der Merwes graag grappe?
Onsself....die res is ons geheim.
9. Is alle Van der Merwes grapjasse?
Nee.
10. Is jy snaaks?
Slegs as ek ’n jas dra.
11. Hoe voel jy as iemand jou as Van (Wên) aanspreek?
Dis niks. A.g.v my Hugenote-van, Prevot, wat een van my doopname is, is ek “Provita” op skool genoem.
12. Vra amptenare van besighede vir jou om jou van te spel of ken hulle dadelik die spelling van Van der Merwe?
Dis die lekkerte van ’n Van der Merwe wees. Spelling geen probleem nie. Almal slaak gewoonlik ’n sug van verligting, want dis Fanagalo.
13. Is Van der Merwe die moeder van alle Afrikaanse vanne?
Nou vat jy “Koos” in die gesig.
14. Wat is die karaktereienskappe eie aan die Van der Merwes soos jy hulle ken?
Net dat hul dieselfde van het...die lotte het beslis nie “een ma een pa” nie.
15. Gaan jy die Van der Merwe-fees bywoon?
Kan ongelukkig nie, a.g.v werk.
16. Waar is die verste/vreemdste plek op aarde waar jy al ’n Van der Merwe raakgeloop het?
...ek loop nog.
17. Wat is die oorsprong van jou van?
Die storie wat my vertel is: Van der Merwe (soms ook gespel van de Merwe) is ’n bekende in Suid-Afrika. Sy oorsprong is van die antieke hoofstad van Nederland, Dordrecht, en beteken “uit die Merwede, ’n rivier, de Merwede (ook genoem de Merwede) wat verby die dorp loop. Willem Schalk van der Merwe was die eerste van der Merwe wat in die Kaap aangekom het in 1654. Twee jaar na Jan van Riebeeck. Hy is dus die voorvader “van alle Suid-Afrikaanse Van der Merwes.
18. Wie beskou jy as die bekendste Van der Merwe?
“Koos”