- Artikelopsies
- Deel
- Kry Rapport op
Forum: Sal jy vir dié party stem?
deur die webredakteur
2011-07-15 08:54
Mnr. Abel Malan is ’n kandidaat vir die Volksraad Verkiesingskommissie (VVK). Na bewering het hy gister (Donderdagoggend) prof. Anton van Niekerk, direkteur van die Sentrum vir Toegepaste Etiek aan die Universiteit van Stellenbosch, in laasgenoemde se kantoor aangerand. Lees meer oor die voorval hier.
Hy was glo ontevrede oor 'n artikel van die professor oor "wit skuld" wat onlangs in Beeld gepubliseer is. (Lees hier.)
Die VVK is ’n organisasie wat Afrikaners oproep om hulself op ’n alternatiewe kieserslys te laat registreer, wat “gebruik sal word om ’n Afrikaner-volksraad te verkies”.
Wat dink jy van dié verwikkelinge? Sal jy só 'n organisasie* ondersteun? Is sulke gedrag nie dalk 'n verleentheid vir Afrikaners nie? Kom gesels asseblief saam oor 'n saak wat baie mense na aan die hart lê.
* Ek is deur lede van die organisasie vriendelik tereggewys oor die feit dat die VVK nié 'n "party" is nie. Dankie, ek neem kennis.