Die gedierte in jou keel

2012-07-24 12:53

Dit begin gewoonlik laatnag in daai sagte plekkie waar jou kakebeen se hoek jou gorrel groet. ’n Krieweling, soos ’n koors wat nesskop. Eers dink jy: Dis net die aandlug wat so koud by die venster inwaai, of ’n koekiekrummel van vroeër.

Maar dan sluk jy.

Die vreemde gediertetjie ontwaak uit sy sluimering en bestorm jou binne-oor met ’n warm spons in elke klou. Dié prop hy met ’n klotsklank agter jou oortrom vas en duik dan af, verby sy lêplek, om met die volgende sluk ’n mandjie turksvye in jou keel om te dop.

Hy kekkel van lekkerkry, trap wydsbeen teen jou mangels vas en wriemel sy skraal, harige armpies in jou sinuskanale op om jou neus met sy kneukels te knie totdat jy nies.

Jy draai om op die ander sy en bly vir nog ’n paar tellings lê – oë nou oop. Die asem stoot dan eensklaps so warm deur jou neus uit, en is dit sweet teen jou slape? Dié tyd van die nag?

Jy sluk weer, en die oor wat nou bo lê, word ook toegestop. Dan vlieg jy op, klap wild na die bedlampie se skakelaar, gee ’n versigtige kuggie. Nee, daar is darem nog nie ’n roggel nie. Jy strompel badkamer toe en vroetel met vaak vingers tussen die boksies, buisies en botteltjies in die kas rond. Alles wat oranje is, pak jy op die wasbakrand uit – gevolg deur die potjie Vicks, vir voorkoming.

Die derduiwel het nou sy intrek in jou vel geneem en jou polsgewrigte voel so dig.

Koue kraan oop, tinfoelie wat knars soos jy angstig kapsules uitdruk. Jy sluk die hele lot, gevolg deur ’n bruistablet en ’n paar Echinacea-druppels.

Maar jy weet: Jy kan net sowel ’n koppie kasaterwater wegslaan, want dié bliksempie gaan aanhou rinkink tot sy gô uit is.

Terug bed toe, plof neer.

Ons kan mense op die maan neersit, maar nie ’n simpel verkoue stuit nie. Iewers het iets skeef¬geloop…  

Sophia van Taak is artikelredakteur by Weg!.

Lees Rapport se kommentaar beleid

Lewer kommentaar op hierdie artikel
1 reaksie
Lewer kommentaar
Kommentaar 0 oorblywende karakters

binne rapport

Weer
Ksd: 15-20°C Mostly sunny. Mild. Pta: 11-25°C More sun than clouds. Warm.
Jhb: 11-19°C Showers late. More sun than clouds. Mild. Bfn: 11-19°C Heavy rain. Morning clouds. Mild.
Dbn: 16-22°C Numerous showers. Mostly cloudy. Cool. PE: 13-16°C Heavy rain. Mostly cloudy. Cool.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

25% afslag op topverkoperboeke!

The Real Meal Revolution van Tim Noakes, Jeffrey Archer se Be Careful What You Wish For, Man’s Search for Meaning van Victor E. Frankl en nog baie meer titels. Koop nou!

Baie eiers in een mandjie!

Speletjie-pakkette: 2 Super Hits-speletjies vir R99, 3 Disney-speletjies vir R99 en nog meer + eksklusiewe pakkette vir toebehore – slegs beskikbaar op kalahari.com. Terwyl voorraad beskikbaar is. Koop nou!

Tot 30% afslag op toestelle & huisware

Bespaar tot 30% op toestelle en huisware dié Paasfees. Aanbod geldig solank voorraad beskikbaar is. Koop nou.

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

gobii se 7” Kleur LCD e-leser nou R399

Kry kalahari.com se topverkoperproduk vir slegs R399 en kry gratis e-boekkoopbewyse ter waarde van R120. Koop nou!

Besoek www.kalahari.com vir miljoene boeke, musiek, DVD's, games & meer!