Die tannie met die rooi rok

2012-09-12 14:20

Was dit nie vir die vooruitgang van oogkunde-tegnologie nie, was ek en my familie volslae invalides. Ons is nie juis bekend vir goeie sig nie – veral nie die perifere soort, by die kant van ons brilrame verby nie. Kontaklense red ons meermale hiervan.

Maar dan was daar ook die keer toe my ma geduldig in haar motor gewag het vir die tannie met die rooi rok op die rand van die sypaadjie om oor die pad te stap. Ma wag, maar die tannie roer nie.

Ná etlike oomblikke word dit toe duidelik dat die tannie met die rooi rok stilstaan vir ’n rede: Die “tannie” is ’n rooi posbus.

Ter verdediging redeneer Moeder dat daar ’n klompie mense saam met die “tannie” gestaan en wag het voordat hulle oorgestap het. In my ma se oë – of uit die hoek van haar oog – “het die bejaarde tannie skrikkerig op die sypaadjie agtergebly”.

Ons kan dalk nie lekker sien nie, maar ons kan lekker lag. En ek lag gráág oor hierdie insident. Dikwels en met smaak, en in my ma se gesig – waar sy my goed kan sien.

Tot vroeër dié week, toe my skoenveter tydens my daaglikse wandeling op die Seepunt-promenade skielik loskom. Ek gaan sit op ’n houtbankie tussen kosstalletjies en buk af om dit gou vas te maak.

Uit die hoek van my oog merk ek ’n man met ’n beige broek en wit hemp wat met sy hande in sy sakke langs my staan en blatant na my staar.

Ek draai vervies so ’n rapsie weg, maar die ongeskikte man, met sy grillerige, gesette middel en belaglike kort bene, bly ongestoord en skaamteloos staan en staar.

Om my irritasie duideliker te toon ruk ek met groot gebaar my kop reguit in sy rigting en staar boos terug… na ’n groot glasvesel-draairoomys – ’n advertensie vir die roomysstalletjie daarnaas.

En so ontmoet ek toe ’n verlangse neef van die tannie met die rooi rok…  

Annie Klopper is ’n skrywer, digter en redakteur by Protea Boekhuis.

Lees Rapport se kommentaarbeleid

Lewer kommentaar op hierdie artikel
1 reaksie
Lewer kommentaar
Kommentaar 0 oorblywende karakters

binne rapport

Weer
Ksd: 15-23°C High level clouds. Mild. Pta: 11-26°C Sunny. Pleasantly warm.
Jhb: 9-22°C Sunny. Mild. Bfn: 9-28°C Sunny. Pleasantly warm.
Dbn: 12-26°C Morning clouds. Mild. PE: 12-22°C Sunny. Mild.
7-dag-voorspelling...

Betrekkinge - Vind jou droomwerk

Billing Accountant (10 Month Contract)

Cape Town
O'Brien Recruitment
R15 000 - R17 000 Per Month

External Sales Clerk

East Rand
Khanye Staffing Solutions
R10 000 - R11 854 Per Month

Team Leader - MIS

Cape Winelands
GT Recruitment
R50 000 - R52 000 Per Month

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!