Heilie se Kaas-en-sampioen-souttert

Kaas-en-sampioen-souttert



Lewer 4 – 6 porsies
30 ml (2 e) kookolie
125 g swoerdlose streepspekvleis, gekap
1 medium ui, grof gekap
2 selderystingels, grof gekap
125 g knopiesampioene, skywe gesny
5 ml (1 t) mosterdpoeier
30 ml (2 e) gekapte, vars gemengde kruie
of 10 ml (2 t) droë
250 ml (1 k) gerasperde cheddarkaas
sout en vars gemaalde swartpeper na
smaak
2 ekstragroot eiers
300 ml melk
60 ml (¼ k) koekmeelblom

Metode

1. Verhit helfte van die olie in ’n swaarboompan.
Voeg die spekvleis by en braai liggies.
Voeg die ui en seldery by en soteer vir omtrent 2 minute tot sag. Voeg die sampioene by en braai liggies verder. Verwyder van hitte.
2. Voeg die mosterdpoeier, kruie, kaas en geurmiddels by en skep die mengsel in ’n gesmeerde, oondvastebak van omtrent 23 cm in deursnee.
3. Klits eiers, melk en meel saam en giet oor die mengsel. Meng effens in die bak.
4. Bak vir omtrent 30 minute in ’n voorverhitte oond teen 180 °C of tot goudbruin en geset.

Variasie
Vervang die sampioene deur 125 g kersietamaties of 100 g vars aspersies, in stukke gesny.

www.foodstylist.co.za
heiliep@mweb.co.za