JONG TALENT: Filmregisseur Adam Heyns

2012-08-29 10:42

Foto: Celeste Muller

Lesersfoto’s Stuur vir ons jou foto's  ·  Stuur vir ons jou foto's

Op 16-jarige ouderdom het sy eerste TV-reeks al op DStv gewys. Tog sien Adam homself as ’n underdog. En hy hou daarvan.

Met die byderwetse stywe kortbroek en fedora op sy kop lyk hy pure hipster. Maar jy sal jou lelik misgis as jy hom as net nóg ’n pretensieuse 23-jarige Pretorianer wil brandmerk.

Adam Heyns, kleinseun van prof. Johan Heyns (destydse moderator van die NG Kerk wat in 1994 in ’n sluipmoord gesterf het), is immers een van daardie ouens wat oor ’n seldsame gawe beskik: die vermoë om lekker nonsens te praat – én dan daardie idees tot ’n eindproduk deur te voer. In 2011 was hy die wenner van drie verskillende kortfliekkompetisies en sy jongste kortfliek is pas aangewys as finalis by kykNET se Silwerskerm-fees.

Oor dié projek sê Adam: “Like my Profile is ’n riller. Die reklamereël is: ‘Die enigste ou sonder Facebook kry ’n friend request van homself.’ Dis snaaks, onheilspellend en vinnig. Ek wil nie té veel daaroor uitlap nie.

“Daar was meer as 600 inskrywings, waarvan net 11 befondsing gekry het. ’n Kortfilm is ’n baie duur besigheidskaartjie en ek is baie dankbaar kykNET en NuMetro betaal daarvoor. Ek het al té veel flieks met my eie geld (en my ouers s’n!) gemaak. Nouvanaand Films het ook ’n droom-produksiespan aanmekaargesit – ek vertrou almal ten volle.”

Nouvanaand Films, die produksiemaatskappy wat hy saam met vriende begin het, is egter nie die enigste projek waarmee hy sy hande vol het nie. Onder TheAvantgods het Adam saam met die kunstenaar Michael Stopforth die satiriese kortfilm Fokofpolisiekar van Pretoria gemaak – ’n draakstekery met die regte Fokofpolisiekar waarin Adam en Michael probeer om die naam van dié bekende groep vir hulleself toe te eien. Dié stukkie skreeusnaakse parodie het soos ’n veldbrand op die internet versprei.

“En dan is daar die Die Pretoria Film Sosatie – iets wat ek en Christiaan Pretorius begin het met die hoop om die nog-nie-bestaande filmbedryf in Pretoria aan die gang te skop.”

Is meewerking met ander kreatiewe siele dus iets wat noodsaaklik is vir die skeppingsproses? “Ja, ek skryf komedie die heel maklikste in ’n groep. As ons begin lag, weet ons dis goed. Wanneer ek aan ’n nuwe storie werk, toets ek dit graag op vreemdelinge. As ek sien ek verloor iemand se aandag, jok ek iets by – dikwels word daardie leuens deel van my stories.”

Vir Adam het sy passie vir fliekmaak reeds op Hoërskool Menlopark begin. “In graad 10 het ek en twee vriende kort video’s begin maak. Dit was nog voor YouTube en ons het dit op CD’s en hardeskywe landwyd versprei. MK het ons gekontak en ’n kort TV-reeks aangebied. Die komedie-reeks, FOPtv, is uitgesaai en ons familie en vriende het daarin gespeel. Dit was maar lame, maar ons het soos rock stars gevoel.”

Ná skool het Adam BA aan die Universiteit van Pretoria gaan swot met Frans, Filosofie en Drama- en Filmkunde as hoofvakke. Maar al kan hy vier tale vlot praat, verkies hy om in Afrikaans te werk.

“Ek skryf die gemaklikste in Afrikaans. Ek het al flieks in Frans, Engels en Afrikaans gemaak. Party stories werk beter in sekere tale. Hel, Afrikaans is cool, dis soos ’n bende-taal aan die punt van Afrika.”

En met sulke bendeleiers lyk die toekoms van die Afrikaanse filmbedryf inderdaad opwindend. 

Kyk na Adam se kortfilms op be.net/adamheyns, nouvanaand.co.za en onder “avantgods” op YouTube.com.

Wie inspireer jou?
Ek hou van die Amerikaanse filmmakers Christopher Nolan, Charlie Kauffman en David Fincher. Verder kry ek inspirasie van mooi meisies en kunstenaars soos Banksy.

binne rapport

Weer
Ksd: 12-16°C Scattered clouds. Cool. Pta: 13-27°C Morning clouds. Pleasantly warm.
Jhb: 8-21°C Sunny. Mild. Bfn: 3-17°C Sunny. Mild.
Dbn: 16-23°C More sun than clouds. Mild. PE: 12-17°C Afternoon clouds. Mild.
7-dag-voorspelling...

Betrekkinge - Vind jou droomwerk

Programme Manager - ICT

Pretoria
OutGrow Integrated Talent Solutions (Pty)Ltd

SNR Logistics

Bloemfontein
HR Solutions (Bloemfontein)
R12 000 - R15 000 Per Month

Corporate Affairs Manager

Cape Town
O'Brien Recruitment
R540 000 - R600 000 Per Year

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!