KANTLYN: Selfs die gebarste mense

2012-07-07 14:35

Een Saterdagoggend dwaal ek deur die Vrystaat Nasorgsentrum se kunsmark. Jammer vir die gestremde inwoners en jammer vir my eie swarigheid waarvoor ek woorde soek.

Effens afgetrokke kyk ek na die tafels en rakke waar die handewerk uitgestal word. Breigoed, eetgoed, houtwerk, plante.

Maar die mense… Dit kriewel in my nek om volwassenes só te sien.

By ’n werkwinkel sit ’n man skaam op die stoep by ’n pottebakkerswiel. Sy hande vol spatsels gryswit modderwater. Rondom hom staan kleikunswerke.

In ’n sykamertjie wag ’n klein vroutjie met wakker oë agter ’n groot bril.

“Kom in! Kyk net wat het ons alles hier binne,” nooi sy. “Vir wie skree Meneer vanmiddag met die rugby? Die Bulls of die Sharks? Of moet ek liewer nie vra nie?” Sy giggel effens stout.

“Ek is al van vyfuur vanoggend af op om te kom regmaak,” sê sy. “Om seker te maak alles is uitgepak.

“Sien Meneer hierdie?” Sy beduie na die spekvet uile wat die rak vol staan. “Die outjie wat dit maak, sê nie ’n woord nie. Toe gee Juffrou vir hom ’n prentjie
van ’n uil. En hy maak dit uit klei. Vanself. Toe weet ons, dis sy manier van praat – so met die uile.”

Glimlaggend wys sy my die kruise, die kleiharte. Sy vertel my wie wat maak. Hóé hulle dit maak. Haar sjarme is oorrompelend. Trots.

My swarigheid word ligter.

Sy vertel my hoe haar juffrou help waar hulle ’n bietjie verbrou het. Dalk met ’n ekstra stukkie klei, dalk ’n bietjie glasuur, een artikel wat ’n ander word.

Toe, asof dit van die Groot Pottebakker self kom, sê sy: “Meneer weet, Juffrou sê, elke ding wat ons maak, is vir haar móói. Sy kan álles gebruik, selfs al is dit gebars.”  

Fanie Viljoen skryf kinder- en jeugverhale. Sy bekroonde tienerroman
Betower het onlangs verskyn.

Lees Rapport se kommentaarbeleid

Lewer kommentaar op hierdie artikel
2 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 14-18°C Sunny. Mild. Pta: 12-27°C Sunny. Pleasantly warm.
Jhb: 9-22°C Sunny. Mild. Bfn: 12-26°C Morning clouds. Pleasantly warm.
Dbn: 15-28°C High level clouds. Warm. PE: 17-26°C Rain late. Afternoon clouds. Warm.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!