Klein wonders

2012-10-21 14:52

Soos ’n kind hom vergaap aan ’n karnaval, staan ek soms vasgevang in die oomblik as klein wonderlikhede onverwags tussen die alledaagse opduik.

Ek wil dit meestal vir myself hou, want vertel jy daarvan, neem dit straks die betowering uit die herinneringe.

Maar hier is drie van hulle…

Onlangs, op pad na Rustenburg, verskyn ’n sukkelende bakkie voor my. Kans vir verbysteek is min, dus karring ek maar saam. En toe, sommer so onverwags, spoeg die blou bakseil ’n engelwit veertjie uit. ’n Rukkie daarna glip nog enetjie uit onder die seil. Toe nog een en nog een…

En skielik is dit lekker om agter die voortploe-te-rende gevaarte te ry en na die vere te kyk.

’n Ander keer beland ek in spitsverkeer in Bloemfontein. (Ja, lag maar.)

Die werksdag se probleme talm nog in my gedagtes toe ek dit sien, hier reg op die sperstreep in die pad: ’n opblaas-swembadseemonster oortrek met helderkleurige kolle. Daar sit hy met ’n vrolike wyebek-glimlag en kyk vir almal wat verbykom.

’n Laaste een: Op pad na ’n restaurant wag ek een aand by ’n verkeerslig. Meteens dartel ’n hand vol blou en geel ballonne verby, en kort op hulle hakke volg ’n motoroppasser. Sy glimjas is los en waai oor sy gesig, maar hy is vasberade om die ballonne te vang.

Die verkeerslig is naderhand groen, maar al die motors wag vir hom. By tye trap hy ligvoet soos ’n danser, dan weer lyk dit of hy op die maan loop, of hy tel sy knieë hoog op voor sy gebukkende lyf.

Surrealisties mooi in die gloed van die stadsligte. ’n Klein wonderlikheid wat ’n mens so maklik kan miskyk.  

Fanie Viljoen skryf kinder- en jeugverhale. Sy tiener-roman
Leeus met letsels het pas verskyn.


Lees Rapport se kommentaarbeleid

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 13-18°C Sunny. Mild. Pta: 6-23°C Sunny. Mild.
Jhb: 7-18°C Sunny. Mild. Bfn: 4-23°C Sunny. Mild.
Dbn: 13-25°C More sun than clouds. Mild. PE: 13-25°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!