Resep: Koljander-hoendervlerkies
2012-09-21 11:19
- Artikelopsies
- Deel
- Kry Rapport op
GENOEG VIR 6 – 8
BEREIDINGSTYD 15 minute
GAARMAAKTYD 65 minute
Dié gereg is die perfekte voorbeeld van die bymekaarkom van kulture, sê Shanaaz. “Ek kom uit ’n Indiese familie en my kosstyl is deeglik vermeng met Suid-Afrikaanse tradisies. In dié gereg kom Suid-Afrika se Portugese erfenis in die vorm van die peri-peri-speserye goed saam met die Indiese tradisie van komyn, gemmer en koljander.”
– Uit Shanaaz’s Real Food: Aromatic Fusion (Human & Rousseau, R220)
* Boekbonus Vyf My Tyd-lesers kan elk ’n eksemplaar van dié kookboek wen. E-pos* die woord SHANAAZ in die onderwerpveld, jou naam, kontaknommer en posadres voor 24 September na mytyd@newmediapub.co.za.
* Net een inskrywing per persoon
Koljander-hoendervlerkies
20 hoendervlerkies
1 kg baba-aartappels
15 ml Cajun-speserye
5 ml peri-peri-poeier
10 ml fyn komyn
15 ml koljandersaadjies, gekneus
10 ml gemmerpasta
15 ml balsemasyn
sout na smaak
45 ml olyfolie
150 ml vrugteblatjang
60 ml bruinsuiker
varsgemaalde swartpeper
150 ml koljanderblare, grofweg gekap
1 Verhit die oond tot 180 oC en spuit ’n oondbak met kleefvrye kossproei.
2 Sit die hoender, aartappels, speserye, gemmerpasta, asyn en sout in ’n groot bak en meng goed.
3 Pak die hoender en aartappels in die oondbak en gooi die olyfolie, blatjang, bruinsuiker en peper daaroor. Strooi die koljander oor en bedek die bak met foelie.
4 Bak in die oond vir 50-60 minute. Verwyder die foelie en sit vir ’n paar minute terug in die oond om te verbruin.
5 Sit voor met geurige rys en ’n slaai van jou keuse.
WynWenk
Hannes Meyer, witwyn-maker by Simonsig, sê hulle aromatiese Gewürztraminer 2012 (R62) sal perfek wees by dié gereg.