Sy naam is Junaine

2012-10-21 14:52

Eendag, vroeg-vroeg vanjaar, het hy met my gebeur. Junaine. Junaine Pietersen.

Ek, die vreemdeling in die poorte van Sint Liborius in Parkdene, George, weg-geduik in ’n agterste bank. Hy’t die hand gelig in ’n groet, sy lag ’n oop deur. Het ek my die gromgeluid verbeel wat my laat omkyk het?

Hy’t sy kop geknik. Ek moes geglimlag het. Hy’t tevrede gelyk toe hy sy tog na die altaar hervat; meester van ’n danspassie wat niemand hom kan nadoen nie: hoog die regterbeen, dan af grond toe, linkerbeen by, hoog die regterbeen… soos iemand met sy oog op ’n ster wat net hy kan sien.

Later merk ek hom op tussen sy vriende, hy die ene hande en oë soos hy saampraat; dan luisterend, sy gesig onvergeetlik stil.

Niemand se slagoffer nie, dié jonge man, het dit my getref. Al kon ek net hier en daar ’n woord van hom verstaan. Maar dan, my ore was vroeër ook bra strammerig toe hy gebid het.

Sy vriende, sy gemeenskap? Nee kyk, so seker soos ’n ma haar baba se taal aanvoel, so vertolk hulle hom, sy intonasie, hulle oë op sy mond. En hy hou hulle aandag soos net iemand kan wat volkome teenwoordig in sy eie lewe is.

Magic!

Of iets goddelikers, sê ’n vriendin toe ek haar van hom vertel. Dat hy 21 jaar oud is, verstandelik drie tot vyf jaar agter sy portuurgroep. Maar vra sy gemeenskap wie hy is, dan lyk sy CV só: altaardienaar, jeuggroeplid, lid van die plaaslike snoeker-klub, en vergeet nie sy sertifikaat vir lojaalste klubrugbyondersteuner nie.

Kurator van sy eie lewe. Die groot, groot lewe van iemand by wie ek vroeg-vroeg vanjaar geleer het die gees in ’n gebroke lyf kán vlieg.

Nou vra ek jou: tog wel iets goddelikers?

Junaine. Junaine Pietersen. 

Anastasia de Vries is assistent- en boekeredakteur by Rapport.

Lees Rapport se kommentaarbeleid

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-16°C Showers early. More sun than clouds. Cool. Pta: 8-20°C Sunny. Mild.
Jhb: 4-14°C Sunny. Refreshingly cool. Bfn: 0-12°C Sunny. Cool.
Dbn: 11-21°C More sun than clouds. Cool. PE: 11-17°C Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

Bespaar tot R2000 op die gewildste elektroniese ware

Kry elke dag besparings wat jou kop sal wegblaas op die gewildste elektroniese ware. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!