Die vet weet: Sjokolade maak sin

2012-08-21 13:23

 "Have a break, have a Kit Kat."

Dit moet een van die suksesvolste advertensies in menseheugenis wees. Vir my, in elk geval. Die ander een is Bar One se 25-uur-dag.

Snaaks dat ek nou vandag aan sjokolade-advertensies dink. Ek het lank laas sjokolade geëet. Maar dit het betrekking op my afgelope week.

Eerstens die Kit Kat: Ek het besluit ek raak nou te behep met dieet, en toe besluit ek om ’n week lange break te vat. Hierdie grappie hou verband daarmee (jammer, dit werk net beter in Engels): Ek is seker ek ly aan CDO. Dis soos OCD (obsessief-kompulsiewe stoornis), maar net in alfabetiese volgorde. Soos dit móét wees!

Nadat ek verlede week drie verskillende lesings op my nuwe skaal gekry het, na gelang van op watter teël in my gang of badkamer ek dit neersit, het ’n goeie vriendin, Alida, my gewaarsku dat ek te behep raak met die wegery. En sy is reg. ’n Ander vriendin, Phillippa, het voorgestel ek sit die skaal elke keer op dieselfde teel en weeg my een keer per week op dieselfde dag, dieselfde tyd.

Ek het hulle al twee se raad ter harte geneem. Sonder om erg oorboord te gaan het ek nié die afgelope week by my dieet gehou nie. Vrydagaand het ek selfs tjips geëet toe ’n klompie van my Kaapse vriende by my kom kuier het. En vanoggend weeg ek 102,3 kg. Dit beteken ek het niks opgetel nie. As ek die middelste gewig van laas week se skaalsessie vat, is ek trouens 100 gram ligter. Ek is tevrede daarmee. Dit beteken hopelik my metabolisme het uiteindelik ingeskop. Want my gewig het konstant gebly, al het ek verkeerd geëet.

Tweedens die Bar One: Ek het myself die afgelope week oor ’n mik gewerk. Behalwe dat dit ’n besig week by die werk was, het ek verlede Maandag-, Dinsdag-, Donderdag-, Sondag en Maandagaand (gister) boonop in Beeld se nagkantoor gevryskut (wat beteken ek werk van 09:00 tot 22:00); ek het ’n klomp vryskutwerk gehad wat my minstens nog twee uur per dag besig gehou het én ek het die hele naweek ’n Kaapse vriendin gehad wat by my gekuier het. Ek sou kon doen met 48-uur-dae, wat nog 25 uur.

Boonop sukkel ek seker al die laaste maand met sinusitis en oorpyn. Elke keer wanneer die koue toeslaan, raak ek siek. Ek het nog nooit ’n sterk immuunstelsel gehad nie, weet nie hoekom nie. Ek drink elke dag ’n multivitamien, B+, sink en omega-3. Sondag is die eerste keer in ’n week wat ek sonder oorpyn wakker geword het. Ek hoop die mooi weer wat ons op die oomblik in Johannesburg het, hou. Hierdie kouefronte begin my nou onderkry. Ek weet mens moet winter hê, maar jinne, dis darem seker nou genoeg.

Hierdie week behoort darem effens rustiger te wees, dankie tog. So ek het vanoggend weer volstoom op die dieet-trein geklim. My dieetkundige, Danny, se eetplan wat sy al in April vir my uitgewerk het. Snytjie lae GI-roosterbrood met ’n gekookte eier vir ontbyt, bolognese met volstruismaalvleis en ’n halwe koppie basmati-rys vir sowel middag- as aandete, ’n nartjie as versnapering in die middel van die oggend en ’n klein bakkie vetvrye jogurt vir middagversnapering. Twee liter water per dag.

En vanmiddag kan ek uiteindelik weer met die honde gaan stap. Ek is seker hulle sal ook baie bly wees!

Lees Rapport se kommentaar beleid

Lewer kommentaar op hierdie artikel
10 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 17-26°C High level clouds. Warm. Pta: 12-22°C More sun than clouds. Mild.
Jhb: 8-18°C Morning clouds. Mild. Bfn: 9-21°C Sunny. Mild.
Dbn: 14-22°C More sun than clouds. Mild. PE: 12-23°C Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

kalahari.com se #1 topverkoperproduk

gobii se e-leser + GRATIS muurlaaier en kunsleeromhulsel nou R599, bespaar R340. Aanbod geldig solank voorraad beskikbaar is. Koop nou!

25% op nuwe en topverkoperflieks

Kies uit gewildste titels soos Despicable Me 2, Gravity, Frozen, The Hunger Games: Catching Fire en nog baie meer. Aanbod geldig solank voorraad beskikbaar is. Koop nou!

Nuwe boekuitreikings!

Kom loer na die opwindende boeke wat ons so pas uitgepak het. Titels sluit in David & Goliath van Malcom Gladwell, The Goldfinch van Donna Tartt en nog baie meer. Koop nou!

DVD’s vir minder as R100

Kry hierdie epiese trefferflieks vir minder as R100. Titels sluit in Frozen, Despicable Me 2, About Time, The Animal Communicator en nog baie meer. Koop nou!

Besoek www.kalahari.com vir miljoene boeke, musiek, DVD's, games & meer!