Fliekvlooi: Oorgroeide tiener, dié Mavis

2012-05-04 12:05

Die onlangse nuus dat Charlize Theron 'n baba aangeneem het is nie uit alle oorde in haar geboorteland goedgekeur nie, om verskillende redes wat enige sosioloog of gedragswetenskaplike sou interesseer. Maar één ding is nou maar eenmaal wors: sy beskik oor 'n unieke talent en haar akteursloopbaan spreek daarvan.

Charlize Theron was al 'n oortuigende glans-aksievrou (The Italian Job), 'n skitterende sci-fi-tipe superheld (Hancock), 'n tragiese heldin (The Cider House Rules), 'n onverfynde, oorgewig en ook tragiese reeksmoordenaar (Monster) asook 'n versukkelde enkelma in North Country -- om net 'n paar rolle te noem. Sy skram nie terug vir 'n uitdaging nie en ly beslis ook nie aan ydelheid nie, want sy het al in meer as een rol haar natuurlike skoonheid heeltemal verdoesel.

In Young Adult is sy Mavis. En Mavis is soos die tieners vir wie sy skryf: vlakker as 'n visdam. Sy is in haar laat dertigs, maar van volwassenheid is daar geen sprake nie.

Mense reageer soms eienaardig as hulle by dié punt van hul lewe kom. Vir Mavis is dit duidelik dat haar lewe betekenis kort, maar dis gou vir die kyker duidelik dat sy die verkeerde perd opsaal om die probleem te probeer oplos. Sy besluit om die pad te vat na die dorp waar sy grootgeword het en haar skoolliefde te gaan "opeis". Die feit dat hy getroud is en pas vir die eerste keer pa geword het skeel haar min. Mavis wil vir Buddy hê en Mavis gaan vir Buddy krý. In haar kop is dit asof sy hom van sy "lewenslot" moet gaan "bevry".

Daar is mos niemand so blind soos diegene wat nie weet dat hulle nie weet nie.

Sy laai haar stomme wollerige skoothondjie in 'n drasak, spring in haar Mini Cooper, sit 'n kasset met haar en Buddy se ou vry-musiek aan en daar trek sy (sonder veiligheidsgordel, het ek opgelet) om "haar man" te gaan haal.

Gaandeweg leer mens Mavis ken en dis nie 'n mooi prentjie nie. Sy drink en vloek soos 'n matroos; sy verwaarloos haar brakkie; sy minag haar ou skoolmaats; sy gee geen erkenning aan haar ouers nie --  kortliks: sy ly aan 'n opgeblaasde ego en eiegeregtige arrogansie soos wat mens min teëkom. Haar selfbedrog maak dat sy ook geen empatie met enigiemand het nie.

Sy trap sonder gewete gate deur die siel van enige kwesbare medemens wat die ongeluk tref om met haar te doen te kry.

En tog: hier en daar slaan tekens van haar weerloosheid deur. Theron se uitstekende spel werk mee om jou te boei en te laat uitkyk vir enige tekens van medemenslikheid, van eenvoudige outydse ordentlikheid wat dalk in Mavis skuilhou. Hoekom drink sy so baie? Hoekom trek sy kompulsief die hare uit haar kop? Hoekom lyk sy soms so verlore, ten spyte van haar bravade?

Maar wees gewaarsku, mens se simpatie hou nie te lank nie.

Daar bestaan nie 'n reël wat sê mens moet van 'n fliek se protagonis hou nie. Dis bykans onmoontlik om van Mavis te hou. Maar dit is 'n uitstekende swart komedie, ontdaan van enige sentiment en goedkoop truuks.

Soos een internet-resensent dit beskryf het: "... suur soos 'n asyn-suigstokkie, versluier Young Adult sy briljante, dapper en asemrowende siniese hart in die oppervlakkige smaakloosheid van kommersiële komedie." Dit breek stelselmatig al die stokou sentimentele illusies oor skooldae, kleindorpsheid, seksualiteit en die menslike vermoë om te groei, te leer en/of te verander af.

Idealiste en optimiste sal daarna dalk 'n stywe drankie nodig hê, maar gaan kyk gerus na dié buitengewone fliek.




Lees Rapport se kommentaarbeleid

Lewer kommentaar op hierdie artikel
6 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-16°C High level clouds. Cool. Pta: 2-20°C Sunny. Mild.
Jhb: 2-14°C Sunny. Refreshingly cool. Bfn: -2-15°C Sunny. Refreshingly cool.
Dbn: 8-22°C Sunny. Mild. PE: 13-17°C a few showers. More sun than clouds. Cool.
7-dag-voorspelling...

Betrekkinge - Vind jou droomwerk

Graphic Designer

Cape Town
DAV Professional Placement Group

Electrician

Johannesburg
The Prestige Personnel Agency
R10 000 - R12 000 Per Month

Retail Sales Rep

Centurion
The Prestige Personnel Agency
R20 000 Per Month

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

Bespaar tot R2000 op die gewildste elektroniese ware

Kry elke dag besparings wat jou kop sal wegblaas op die gewildste elektroniese ware. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!