Fliekvlooi: Na Rome, met liefde

2012-09-07 12:08

Soos meeste fliekvrate weet, is daar sowaar maar net één Woody Allen. Met aanhangers wat ook nie sommer net van hier is nie.

Want soos wat Woody Allen se buite-die-kassie-rolprente nie noodwendig in Jan Alleman se smaak val nie, net so -- vermoed ek sterk -- is sy bewonderaars in 'n spesiale klas van hul eie.

Oor smaak is dit moeilik om intellektueel te debatteer, al sê die belangrike rolprentkritici ook wát. Mens kan tegnies raak en sekere gebreke en/of prestasies in 'n prent uitwys, maar as die storie, verfilming, rolverdeling en draaiboek nie met jou "praat" nie, is daar weinig genot in die ervaring te vind.

Daarom: moenie deur flou resensies verhoed word om hierdie fliek te gaan sien nie.

Woody Allen is tans besig om Europa die hof te maak. Stad vir stad, storie vir storie -- en dit kan net wonderlike fliekfeeste in die vooruitsig stel. Verlede jaar was die  magiese Midnight In Paris, vanjaar is dit To Rome With Love.

En ís die fliek nie sprekend van die vreemde paaie en kostelike voorvalle waarop die liefde 'n mens soms kan meesleur nie!

Die draaiboek is spelerig en verleidelik, met niemand anders nie as die robuuste Penelope Cruz as die stoute prostituut wat haar glad nie steur aan die preutser karakters wat sy teëkom nie.

Rome is mooier as ooit, romantieser as ooit. En die vier verweefde verhaaltjies wat hulle daar afspeel bring die een verrassende wending na die ander. Jy kan maar net lag. Dit gaan hoofsaaklik oor hoe die lewe -- en die liefde -- buite die gewone reëls met jou te werk kan gaan.

Woody Allen is self ook weer te sien in een van die rolle, dié van 'n pa wat met sy vrou (nommerpas vertolk deur Judy Davis) in Rome is om hul dogter se aanstaande te ontmoet. Jerry in in die opera-besigheid en hy verloor weldra belangstelling in sy aanstaande skoonseun wanneer hy dié se pa in die stort hoor sing. Dit lei tot een van die snaaksste verhaaltjies wat ek nog op die silwerdoek gesien het.

(Die musiek, soos altyd met 'n Woody Allen-rolprent, is regdeur voortreflik.)

Jesse Eisenberg is Jack, 'n voornemende argitek wat swig voor die aanloklikheid van sy geliefde se vriendin. Dié is 'n aktrise op besoek aan Rome. Hierdie verhaaltjie is klassiek Woody Allen-styl: Jack se flater wys uiteindelik net weer hoe mens jou kan misreken as die wellus jou beetkry.

Alex Baldwin het 'n interessante rol in hierdie segment. Hy verskyn en verdwyn soos hy goeddink, terwyl hy Jack probeer waarsku teen sy dwaasheid. (Daar is mos gewoonlik so 'n bietjie magiese realisme in Woody se flieks.)

Dan is daar die pasgetroude paartjie wat in Rome is sodat die man (Antonio) se familie sy bruid kan ontmoet. En dis hier waar die wulpse Penelope Cruz almal se lewe 'n bietjie interessanter maak...

Die laaste verhaaltjie dryf lekker die spot met die geneigdheid om glansmense te skep uit mense wat nie regtig die nodige substansie het om dié roem te regverdig nie. Roberto Begnini (wie onthou nog Life Is Beautiful?) vertolk die rol van 'n gewone man wat oornag beroemd word, deur paparazzi en die publiek oorval word terwyl sy aanvanklik verbasing in gloriegebaaide plesier verander. Wat onafwendbaar tot ontnugtering lei.

Dis 'n fliek oor die menslike toestand. Wat ou Woody soms effens oordryf om 'n punt te maak. Maar wat altyd maar deel bly van ons ondermaanse bestaan.

Mens kan maar net lag...

Gaan kyk en geniet!


Lees Rapport se kommentaarbeleid

Lewer kommentaar op hierdie artikel
1 reaksie
Lewer kommentaar
Kommentaar 0 oorblywende karakters

binne rapport

Weer
Ksd: 15-18°C Showers late. Afternoon clouds. Mild. Pta: 10-31°C Sunny. Pleasantly warm.
Jhb: 12-26°C Sunny. Pleasantly warm. Bfn: 16-28°C High level clouds. Pleasantly warm.
Dbn: 17-29°C More sun than clouds. Warm. PE: 16-25°C Showers early. More sun than clouds. Mild.
7-dag-voorspelling...

Betrekkinge - Vind jou droomwerk

Specifications / Design Engineer – Randburg

Randburg
DAV Professional Placement Group
R330 000 Per Year

Accounts clerk

Bellville
Kontak Recruitment
R4 500 - R6 000 Per Month

Accounts payable clerk KR350

Johannesburg South
Kontak Recruitment
R13 500 - R14 500 Per Month

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!