Gay oog: Retoriek van sekerhede

2012-08-07 13:16

Nou die dag luister ek op ‘n Pretoriase radiostasie na retoriek wat vir my oor wesensvreemd geraak het.  Dit is die retoriek van sekerhede, sekerheid oor die feit dat God die huwelik ingestel het en die voordele daarvan.  Sekerheid oor God se leiding en die sekerheid van God se liefde en ontferming.

Dit is soos klanke wat ernstig “off-pitch” is op my oor.  Na my mening gaan dit eerder oor die reis van twyfel, oor God wat nog steeds ontvou in die ontploffende heelal.  ‘n God wat nog steeds gebeur en nog nie arriveer het nie is my God.  Dit is die God wat ek nie heeltemal kan vervat in enige menslike woorde nie.

Die sekere radiostasie-woorde laat my dink aan die klein seuntjie wat in die kerk in die gangetjie gestaan het en vir die dominee gese het: “Jy sal nog so 'God' en 'Here', dan moer my pa jou”.  Ek is sommer deesdae moerig as ek hoor mense is so seker oor God se wil wat in hulle ore gefluister word.  Ek het God nog nooit iets hoor sê nie.

Hierdie tipe retoriek het veroorsaak dat mense haat distilleer uit die Bybel en sodoende mense gesel met denke wat eintlik met ‘n liefdevolle God niks te doen het nie.  Mens weet uiteindelik jy het God na jou eie beeld geskape as 'n God wat dieselfde vyande as jy het.  Ons werk heerlik mee aan die Godsbeelde wat ons van hou.

Die ander dag hoor ek by my kind dat ek waarskynlik in die hel gaan opeindig omdat ek al lankal nie meer bid vir kos nie.  Dit is die algemene retoriek wat by die skool verkondig word deur die gesagsfigure.  Hierdie retoriek is ook die een van sekerhede.

Ek wonder in hoe 'n mate kinders geleer word om vir hulself, krities, te dink.  Eintlik weet ek dat kritiese denke glad nie aangemoedig word nie.  Die strukture van gestolde sekere kennis is stadig besig om enige kreatiwiteit en lewe te smoor in leerders se denke.  Enige struktuur van onderdrukking is volgens my teen die goeie boodskap van die “Gees”.

Evolusie word vandag nog ‘n karikatuur gemaak op skool, indien daar enige iets sinvols daaroor geleer word.  Dit help niemand om die evolusieteorie se gapings te vul met niksseggende kreasionistiese woorde nie.

Dit help niemand ook regtig om byvoorbeeld eerder die naam Jesua te gebruik in plaas van Jesus nie.  Al wat ek daaruit agterkom is dat daar groepe is wat ontevrede is met die dogmatiesiese verstarde formulering van die Christelike leer.  ‘n Eenvoudige alternatief is om die tradisie te verwerp.  In plaas daarvan dat daar ‘n ander metode van uitleg en hermeneutiek gevolg word is die keuse eintlik dieselfde metodiek met ander woorde.  Daar word gepoog om met ander woorde in effek die fundamentaliste te kritiseer, maar daar word self ‘n fundamentalistiese alternatief gelewe.  Die probleem is dat daar nog steeds in ‘n sirkel van sekerhede geredeneer word.

Ek hou meer van spriraaldenke, oop sirkels wat nooit weer raak nie want dit laat die moontlikheid van ware kreatiwiteit oop.  Hierdie kreatiwiteit speel sigself af in die kader van Godsgebeure en kreatiewe skepping.  Eenvoudig gestel is God ook besig om te gedy en uit te brei as deel van die universum wat ons ken.  Die skeppingsgebeure en Godskennis is dus nie afgesluit nie.

Ek voel baie soos die seuntjie wat met sy hande in die sye vir die Dominee berispe:  “Jy sal nog so 'God' en 'Here', dan moer my pa jou”. 

Want dikwels weet die spreker so min van die God en Here af, soos ‘n klein seuntjie wat nog met die onskuld van ‘n kind se perspektief weet die woorde wat met soveel sekerheid gebesig en gepreek word meestal onvanpas aangewend word.

Lees Rapport se kommentaarbeleid

Lewer kommentaar op hierdie artikel
13 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 11-18°C Sunny. Mild. Pta: 10-26°C Rain late. Partly cloudy. Warm.
Jhb: 7-20°C Numerous showers. More sun than clouds. Mild. Bfn: 1-23°C Sunny. Mild.
Dbn: 14-20°C More sun than clouds. Cool. PE: 9-19°C Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!