Gay oog: Vincent

2012-07-19 16:04

Vincent of ook bekend as Starry starry night is een van my geliefkoosde liedjies, veral die woorde “They did not listen, they did not know how”.  Dit is baie hoe ek voel oor die reaksies van mense wat menseregte en die gay saak misken.  Ek vermoed die boodskap gaan eenvoudig bo-oor baie mense se koppe heen.  Dit laat my baie dink aan sommige politici se toesprake wat ek as kind gesien het op die televisie.  Die “groot” woorde het die hele retoriek vir my ontoeganklik gemaak.

Een van my vriende se kommentaar op my blogs se bitterbekke was eenvoudig: “Die Here weet, so kan dit nie aangaan nie.”  Volgens hom kan die hele Bybel ook in dié gesegde saamgevat word.  En as die pôpô nou regtig die fan strike is die ander gesegde kort op die hakke van die eerste: “You need Jesus in your life”.

Soos Vincent van Gogh ‘n mislukte prediker in die krotte van die myn was, dink ek baie dat ek ‘n mislukte prediker is in die krotte van mense se gedagtes.  Die enigste manier wat ek die krotte kan besoek is om te vertel van my reis.  Gedurende my reis het baie mense my gevorm en geslyp.  Ek is ‘n mens-mens.  Ek moet ander mense op my reis hê.  Elke mens op my reis is uniek.  Ek waardeer elke ander mens se uniekheid.  Ek wil graag hê dat elke mens sy volle potensiaal ontplooi.

Ek wil graag ruimte skep vir alle gedagtes om my reis interessanter te maak en ook omdat ek teen enige vorm van sensuur gekant is, genees is, gedurende die apartheidsjare.  Mens moet egter op die ou einde pa-staan vir jou gedagtes.  Vincent het dit ook agtergekom, mense wou eenvoudig nie sy woorde hoor nie en ook nie sy skilderye koop nie.  Eintlik het dit bloot beteken dat Vincent sy tyd vooruit was.  Vandag word sy skilderye vir miljoene verkoop.  ‘n Profeet word nie geken terwyl hy lewe nie.

Ek het voorheen gedink dat Gay pa’s ‘n rariteit is, maar sedert ek my netwerke in die gay wêreld versterk het dink ek dit is meer algemeen as wat mense besef.  Gay-wees gaan bloot om seksuele voorkeur.  Dié voorkeur is so deel van die murg en been van ons wese dat ons daaroor geen beheer kan uitoefen nie.  Soos biskop Desmond Tutu al per geleentheid verduidelik het, hy kan nie insien hoe iemand gay-wees kan kies as dit jou lewe in effek gaan vergal nie.  Mense is nog baie geneig om die saak heeltemal mis te verstaan.

My psigiater reken dat daar tydens swangerskap in die baarmoeder iets afgeskei word wat mense gay laat ontwikkel.  Voor geboorte, in die tyd wanneer God ‘n nuwe lewe aanmekaarweef in die baarmoeder van die mamma.

Ek wil goed doen in die lewe, ‘n positiewe impak maak op almal rondom my.  Ek wil ‘n positiewe reaksie meebring op die lees van my verhaal.  Ek moedig ieder en elk aan om meer erns te maak met die lees van die Bybel, want ek glo dat die persoon wat die Bybel die beste ken op die ou einde die saak die beste sal kan verklaar.

Indien die studie van die Bybel onaantreklik klink (want dit is immers harde werk) beveel ek aan dat mens weer opnuut na die liedjie Vincent gaan luister en veral die laaste strofe.  

Now I think I know what you tried to say to me,
How you suffered for your sanity,
How you tried to set them free.
They would not listen, they're not listening still.
Perhaps they never will...


Ek wonder eerlik hoekom ons deur die trauma moet gaan om “uit die kas te kom”.  Waarom kan dit nie dieselfde wees as wanneer ons bloot vir ons geliefdes sê:  Ek gaan ‘n dokter word nie.  Nee, daar is ‘n wroeging van astronomiese proporsies.  Daar is vrees vir verwerping, en dit is met goeie reg dat daar gevrees word, want sommige ouers ondersteun hulle kinders nie onvoorwaardelik soos die Evangelie vereis nie.  Die liefde is soms voorwaardelik, ek sal jou ondersteun op die voorwaarde dat jy is soos wat ek dit wil voorskryf.  Die Evangelie se inisiatief is eintlik om mense onvoorwaardelik te aanvaar soos wat Jesus almal onvoorwaardelik aanvaar.

Dit is ook graag ook hoe ek Vincent van Gogh sou wou aanvaar, en ook vandag wil aanvaar.

Lees Rapport se kommentaarbeleid

Lewer kommentaar op hierdie artikel
34 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-15°C Showers late. More sun than clouds. Cool. Pta: 13-28°C Morning clouds. Pleasantly warm.
Jhb: 8-21°C Sunny. Mild. Bfn: 3-17°C Sunny. Mild.
Dbn: 17-22°C Morning clouds. Mild. PE: 12-17°C Afternoon clouds. Mild.
7-dag-voorspelling...

Betrekkinge - Vind jou droomwerk

Cash Office Administrator (BOOYSENS)

Johannesburg CBD
Mpumalanga Personnel & Training Consultants

SharePoint Developer

Durban
Iocore Global Resourcing SA
R420 000 - R600 000 Per Month

Dealership Service Advisor

Johannesburg CBD
GAP Consulting
R18 000 - R20 000 Per Month

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!