Gay oog: Weesgerus, alles is reg

2012-09-03 15:13

Ek het dadelik die gaping raakgesien en terwyl hy keurig notas neem en luister het ek telkemale gaan swem in die onderdak-swembad.  Uit die wind en heerlik warm verhit.
 
Ek het die naweek meegemaak met die doel om saam met vriende te kuier, om saam om die braaivleisvuur te kuier.
 
Hierdie naweek het ek tot die insig gekom dat ek nou aanvaar dat ek nie weet wat my lewenspad volgende inhou nie.  Toe ek jonger was het ek deelgeneem an aktiwiteite wat die toekoms vir my moes duidelik maak.  Aanvanklik was dit beroepskeuses, in die werk was dit die vyf jaar plan:  "Waar sien jy jouself oor vyf jaar?".
 
Vandag is my antwoord eenvoudig, ek sien myself op die pad, saam met reisgenote.  Die reis saam is die doel van die lewe.  Ek weet die reis is moontlik omdat my reisgenote dit moontlik maak.  Ek is afhanklik van alle mense en diere rondom my.  Ander mense en diere, plante en die hele biosfeer dra my en daarvoor is ek innig dankbaar.  Ek ervaar dat die mense en diere en plante inherent goed is.
 
Ek stap rond in die snuisterye-winkel by Weesgerus, die oord waar ek die naweek deurgebring het, en loop daar die mooiste klein Engeltjie raak.  Dit is 'n bidengel met kopervlerke.  Blykbaar sal die vlerke mettertyd groen word as dit byvoorbeeld in die tuin gesit word want die koper verkleur.
 
Hierdie Engel het 'n naam gekry, dit is die Weesgerus-engel.  Tiaan het die engel as geskenk ontvang as herinnering aan die naweek en om sy ander twee klavierengele -- genaamd Hark en Herald -- geselskap te hou.
 
In die trant van my skrywe dink ek Weesgerus is die simbool van ons reis saam en die vrede wat in ons harte die wag hou wat alle verstand te bowe gaan.  Ek weet daar is goeie redes om te dink dat engele die boodskappers van God geword het omdat God ver gevoel het vir mense.
 
Nietemin, die oorspronklike rede vir die engele se nut: Ek voel Weesgerus het 'n plek in my lewe.  My verhaal is een van menswees, altyd soekend met 'n stewige dosis bemoeienis met mense rondom my.  Dit is belangrik dat ons ruimte laat vir mekaar.  In my oorlede Ma se woorde:  My kind, laat die son toe om te skyn oor almal.
 
Dit is lekker om daaraan te dink presies hoeveel die kerk beteken het op my lewenspad.  Ek ervaar die kerk en samelewing as een en dieselfde ding.  Dit is een veelkantige werklikheid waarmee ons te doen het.  Die idee dat kerkmense wat in die voorste gestoeltes sit dubbele standaarde het is taligheid wat myns insiens net ten dele ken.
 
Daar is altyd my Weesgerus-engel wat sekerlik sal sorg dat almal in die hemel sal beland.  Dit was in elk geval my ouma se standpunt.  My ouma wat 'n beter teologie gehad het as ek voordat ek teologie begin bestudeer het.
 
Ek vermoed Weesgerus maak die meer esoteriese sy in my wakker.  Die kant van my lewe waar my gut-gevoel saak maak.  Hierdie gevoel vertel my daar is hoop vir die biosfeer.  Ons staan op die punt om die leemtes in ons eie sisteme aan te wend tot 'n nuwe kragtige sprong die toekoms in.
 
Ek het baie hoop vir die jeug, ek dink dit is cool om nou jonk te wees en met nuwe hoop en verwondering Weesgerus-engele aan te skaf.  Ek vertrou dat God die mense vir wie Hy liefhet sal help tot in die spreekwoordelike duisendste geslag.
 
Mens moet die jongmense van vandag jammer kry, maar nie te jammer nie.  Ons lewensreis het soms wankelend begin met leer loop -- en val en opstaan.  Jongmense moet die geleentheid kry om ondersoekend saam te dink oor die oplossings vir die toekoms.
 
Ek weet dat ek dalk veronderstel is om in 'n gay blog te verwys na die unieke uitdagings van buite-hoofstroom lewens.  Ek dink die uitdagings kan die hoof gebied word deur te hoop dat ons in die toekoms meer genade kan verwag van ons medemens.  God se genade het ons immers alreeds.
 
Die Weesgerus-engel op die klavier sal my bly herinner aan die hoop vir die toekoms; en in die woorde van die kerkvader Augustinus: "ora et labora". (Bid en werk).  Ek ervaar my lewensreis as 'n gebed, en beskou 'n haastige geskarrel gebed buite my gebedsdenke.  'n Ek-soek-nou-parkering-gebed is ook buite my denkraamwerk.  Ora et labora, die een vloei in die ander in 'n simbiotiese verhouding. 

Engel Weesgerus sal gelukking wees in ons huis op die klavier en oor ons waak.

Lees Rapport se kommentaarbeleid

Lewer kommentaar op hierdie artikel
3 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 14-20°C Sunny. Mild. Pta: 2-21°C Sunny. Mild.
Jhb: 5-16°C Sunny. Refreshingly cool. Bfn: 0-19°C Sunny. Mild.
Dbn: 10-27°C Sunny. Mild. PE: 14-24°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!