Knieknik: Lank leef Diana, of nie?

2012-07-12 12:34

Dit is nou al 'n hele week lank wat ek elke dag op dieselfde skakel kliek, oopmaak, kyk en toemaak. Net om die volgende dag presies dieselfde te doen.

En nou, ná 'n week se kyk en weer kyk, kom ek nou maar tot die slotsom, nee, Naomi Watts lyk nie soos Diana, prinses van Wallis nie. Punt een, sy is heeltemal te kort. Punt twee, haar neus is nie reg nie. Punt drie, sy het nie Diana se grasie nie. Punt vier, punt vyf, punt ses, punt sewe, punt agt, punt nege, punt tien. Niemand kan soos  Diana lyk nie!
 
Maar, maak dit regtig saak dat die aktrise wat die rol van seker maklik die mees enigmatiese koninklike nóg moet vertolk, tog n bietjie op Diana trek?  Sou onse Charlize dan nie eerder 'n beter keuse gewees het nie?

Watts het van die begin af laat blyk sy is nogal vreesbevange om die rol te vertolk (ek dink selfs Meryl Streep sou kleinkoppie vir dié ene getrek het). Want  dit maak nie saak aan watter kant van die draad jy sit nie, In Flight, wat toe sommer terwyl produksie nog aan die gang is van naam verander na die treffende eenwoord-titel Diana, laat die feniks herrys. (Ek vermoed die geldlaai sal ook harder klingel met die nuwe naam...)

So goed soos die koninklike spindokters Diana vernuftig uit die koninklike prentjie probeer verf, net so moeilik is dit om van haar te vergeet. Dat sy die ma van die no.2-aanspraakmaker op die Britse troon is, is amper 'n toevalligheid. Maar die ring aan Catherine se linkerhand laat 'n mens ook nooit vergeet aan wie se vinger daardie
ring eerste gepryk het nie! Slim skuif van prins William gewees, daardie ring!
 
Maar terug by die fliek(s).

Wêreldwyd is stilfoto's van Naomi as Diana gepubliseer. Die onvermydelike "Sy lyk op 'n haar soos Diana'' was daar ook. Op sommige  webtuistes het leserskommentaar nogal wel, aanvallend geraak oor die feit dat Watts nie noemenswaardig op Diana trek nie. Ander voel Diana moet in vrede gelos word. Nog 'n groep meen dat dit nie nodig is vir n aktrise om te lyk soos die persoon wie se rol sy  vertolk nie. Kom ons wees nou maar eerlik, lyk Helen Mirren enigsins soos koningin Elizabeth? Of was haar toneelspeel net te verdomp oortuigend dat jy later as kyker geglo het dit is inderdaad koningin Elizabeth?
 
Die toets sal seker by die lokket wees. Diegene wat die draaiboek onder oë gehad het, sê dit is werklik goed geskryf. En met slim beligting, keurige grimering,  die regte klere en natuurlik 'n pruik om Diana se kenmerkende kapsel vas te vang, gaan Watts seer sekerlik daarin slaag om Diana tydelik te laat herleef. En of sy 'n Oscar sal wen sal net die tyd leer.
 
Unlawfull Killing, die fliek wat verlede jaar so en bohaai op Cannes veroorsaak het, gaan ook nie meer wereldwyd versprei word nie (so bestel maar oor die internet as jy dié ene wil sien!). Die voldoende versekering vir verspreiding kon nie verkry word nie. Dit is in die fliek waar Diana se gesig na die ongeluk gewys word -  vasgevang deur een van die papparazi op die toneel. Dis ook in die fliek waar die een samesweringsteorie na die ander gelug word oor wie nou eintlik vir Diana se dood verantwoordelik is.

Lees Rapport se kommentaarbeleid

Lewer kommentaar op hierdie artikel
1 reaksie
Lewer kommentaar
Kommentaar 0 oorblywende karakters

binne rapport

Weer
Ksd: 14-24°C Sunny. Mild. Pta: 5-23°C Sunny. Mild.
Jhb: 4-18°C Sunny. Mild. Bfn: 1-21°C Sunny. Mild.
Dbn: 8-22°C Morning clouds. Mild. PE: 12-26°C Sunny. Pleasantly warm.
7-dag-voorspelling...

Betrekkinge - Vind jou droomwerk

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!