Noumaartoe: Mamma, ek wil ‘n man hê!

2012-12-19 16:35


Wie  onthou nog die woorde van die liedjie wat op laerskool deel van die skoolkoor se repertoire was. Dit was lank gelede.

Met digterlike vryheid is besluit om dié man nie na gelang van sy landelike herkoms te takseer nie. Nie in hierdie hiper-moderne, hiper-anti-alles wat goeie maniere, waardes en normes is-era nie. Kom ons kyk ‘n bietjie na die man se karakter – en by nadere ondersoek – na sy opvoeding.

Vir die doel van die rubriek het ek die manne in vier kategorie verdeel: Die avontuurlustige (Camel) man, die stedelike metro man, die fynbesnaarde, gekultiveerde diplomaat, en dan helaas, die willer-as-die-wildtuin-man.

Persoonlik verkies ek – en ek mag net vir myself praat en nie namens die ganse vroulike geslag nie – daardie avontuurlustige (Camel) man met ‘n tikkie metro en ‘n knippie diplomaat. ‘n Goed aangepaste man wat  gelukkig is in sy eie vel en waarin sy fyner kant in sy optrede en gesprekvoerig te voorskyn kom.

Maar wee o wee, as die willer-as-die-widltuin-man die huis se drumpel, die restaurant of die winkelsentrum betree is dit genoeg om op die vlug te slaan.  Oor die kleredrag – dikwels ‘n te klein rugbybroek en T-hemp wat daardie vreeslike boep skaars toemaak – praat ek nie eens nie.  Nee, ek praat van die mees basiese goeie maniere in ‘n basiese beskaafde land.

Die willer-as-die-wildtuin-man kom nie eens agter dat hy in die openbaar daardie neus in tru-rat terug stoot nie, of kliphard die mense wat verbystap bespreek en so hard skel en skree dat almal in hul nabyheid hul kop in skaamte laat sak.

Ek sal altyd vir die jonger vroulike geslag voorstel dat hulle asseblief nie desperaat die eerste (dis nie noodwendig die beste) man as dié een moet beskou nie.

Kyk uit vir ‘n man wat weet – en sy seuns leer – dat jy ten minste bewus is van basiese etiket. Veral as jy hier oor die vakansietyd die gasvryheid van vriende of familie met ‘n huisie by die see benut.

Manne wat willer-as-die-wildtuin is, hier is ‘n paar wenke:

•    Jy slaap nie tot die kraaie gaap en gaan dan jou eie gang nie. Hoor by die huismense of daar iets is waarmee jy kan help?

•    Sorg dat jou kamer ten minste netjies is en die wasgoed in die mandjie voor jy strand toe "ontsnap" net om betyds vir ete op te daag.

•    Maak ‘n bydrae vir kruideniers en drinkgoed. En voorstelle om die dag saam te geniet.

•    Moet nie die DSTV-kanaalklikker en die gerieflikste bank jou eie maak vir die duur van jou vakansie nie.

•    Gaan was jou hande voor jy gaan sit om te eet. En ná jy by die toilet was. Altyd!

•    Wag vir die vroue om ten minste eerste te sit voor jy jouself op ‘n stoel neerplomp.

•    Jy begin nie net eet nie – maak nie saak wat jou oriëntasie is nie.  Wag tot die hoof van die huis of die gasvrou die teken gee dat jy kan wegval.

•    Jy sluk nie jou kos af met glase en glase vol koeldrank of bier nie. Kou ordentlik.

•    Jy gooi nie hope en hope sout of tamatiesous oor jou kos, nog voor jy enigsens geproe het of die kos enigiets nodig het nie

•    Jy eet met ‘n mes en ‘n vurk aan tafel – nie met kaal hande met vuil vingers nie. En lig daardie elmboe van die tafel af –  al is jy ‘n afstammeling van die Neaderthalman.

•    EN DAN: Jy snuit nie jou neus in die stort wat deur nog 5 ander gebruik moet word nie.

•    Jy spoel die toilet behoorlilk ná gebruik.  Nie net een maal en loop uit nie. Wag, kyk terug en as dit moet, spoel weer – totdat die toilet skoon is vir die volgende gebruiker.

Basiese beskaafde maniere help dalk dat jy weer volgende jaar genooi word!

Mag die feestyd vrede, vreugde en voorspoed bring. En die Nuwe Jaar volop seëninge inhou.

Nou maar toe...



Lees Rapport se kommentaarbeleid

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-19°C Sunny. Mild. Pta: 5-23°C Sunny. Mild.
Jhb: 4-18°C Sunny. Mild. Bfn: 2-21°C Sunny. Mild.
Dbn: 9-25°C Sunny. Mild. PE: 14-25°C Sunny. Warm.
7-dag-voorspelling...

Betrekkinge - Vind jou droomwerk

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!