Op vlerke: Pioniersdam

2012-10-02 14:36

Vroeg die volgende oggend geniet ons koffie en ‘n beskuitjie op die stoep. Die kar word gelaai. Ons gaan die nag in Shingwedzi oorbly voor ons die volgende dag na Olifantskamp vertrek. Op pad na Shingwedzi beoog ons om laat ontbyt in Mopani-kamp te nuttig. Kate het vir elk ‘n tjoppie van die vorige aand ingesit, die aartappels wat oorgebly het in skyfies gesny en op toebroodjies gesit vir die laat ontbyt.

Langs die Letaba-rivier, op pad na Mopani, loop heelwat zebras en rooibokkies links in die veld. Staan twee kameelperde en vreet sade van ‘n boom. Nou en dan laat val een ‘n saad, plaas die voorbene uit mekaar, laat sak die kop en tel die saad met die lang blou tong van die grond af op. Is rooibekrenostervoëltjies doenig teen die nekke en om die boude. Regs van die pad in die rivierbedding is kolganse en watervoëls op ‘n sandbank en in die water bedrywig. ‘n Paar Maraboe’s staan daar by. Sit ‘n visarend in ‘n boom. ‘n End verder, ‘n Afrikaanse Jagarend.



Op die brug oor die Letaba rivier klim ons uit. Sit hope watervoëls in die rivier bedding, ander swem in die water. Sien ons ‘n trop rooibokkies aan grassies vreet en waterbokke wat uit die ruigtes na die rivier af kom.

‘n Ent verder staan plate en plate katbos, vir kilometers, weerskante van die pad. Loop ‘n volstruismannetjie en soek kossies. Nie ver daarvan nie staan ‘n trop blouwildebeeste. Regs van die pad staan ‘n steenbokrammetjie aan grassies en vreet. Sien ons enkele buffels. In die Mooiplaas-watergatomgewing hardloop ‘n troppie zebras agter mekaar die veld in. Staan die stowwe. ‘n Berghaan kom sit vorentoe in die pad, begin aan iets op die pad vreet, tel dit op en vlieg die lug in.

Aan die regterkant binne die ingang na Mopani kamp spuit ‘n sprinklaar water oor die grasperk. Sit ‘n kwêvoël op die gras onder die kraan waar water by die tuinslang se koppelpunt kwistig uit spuit, sprei die voël die vlerke en draai die lyf onder die watertjies wat op hom val, bad, vlieg na die takkies van ‘n boompie, kom sit weer op die gras onder die vry lekkende kraan, bad en vlieg weer tot op ‘n takkie in die boom.

By die dagbesoek piekniek plek gaan sit ons met die kosmandjie en drasak koffiegoed by ‘n tafeltjie onder die grasdak lapa. Nuttig die tjoppies en toebroodjies saam met ‘n koppie swart koffie. Later ry ons na die restaurant kompleks by die Pioniersdam. Voor by die ingang is die aalwyne en impalalelies vol in blom, skakerings van pienk, geel, oranje tot rooi. Kuier die voëljies. Stap ons op die loopareas aan die voorkant van die restaurant na ‘n uitkykpunt oor die dam. Hoor ons die growwe ‘krrrr’.....’krrrr’ van die rooikophoutkapper voor hy los trek met sy kenmerkende klanke.

Op die wal, onderkant die uitkykpunt, stap ‘n paar kolganse en bontkiewiete met hul geluide. Gesels die voëltjies by ons in die bome. Twee kwêvoëls woel in boompies hier by ons, maak geluidjies. ‘n Eekhoringkie verskuif nou en dan op ‘n takkie. Aan die oorkantse wal kom olifante uit die ruigtes water toe. Enkele seekoeie lê daar naby in die son en bak. Twee kameelperde in die verte.  Skuins regs op die wal sit ‘n visarend in ‘n boom. Roep. Regs op die wal, aan die anderkant van die dam, stap ‘n stuk of tien waterbokke en wei.



Ons maak ‘n draai in die winkel en kyk wat hulle te bied het. Gaan kyk ons ook by die vleise. Lê daar ‘n gewigtige 1½" dik kruisskyf met ‘n ¼" spekkie aan die een kant. Koop! Terug by die kar sit ons dit in die koelsak en pak die tog verder na Shingwedzi aan.

By die Steenbokskeerkring anderkant Mopani hou ons stil en lees die plaat met ‘n skrywe en kaart daarby wat op ‘n groot klip monteer is.

In die omgewing van Eendrag staan ‘n olifant, die slurp is gelig en druk sy  teen ‘n boom se stam met die onderste deel van die slurp tussen die tande. Stap dan in ‘n noordelike rigting. Gaan staan aan die takke van ‘n boom en vreet, stap verder. Haastig. Ons volg haar vir ‘n wyle en ry later aan. Sien ons ‘n end vorentoe ‘n sementdam aan die linkerkant van die pad waarheen die olifant op pad is.

Verby Olifantsbadpan, ‘n end weg regs die veld in, sien ons iets tussen die bome beweeg. Ons hou stil, gaan vorentoe, dan weer effe terug. Soek. Kan ons later die vorm van ‘n bok tussen die takke deur uitmaak. Sit en raai ons. Vir seker nie ‘n rooibok of ‘n blesbok nie. Ons dag eers dit is een. Die kleur is ook nie reg nie. Staan en wei. Kop in die grond en kan ons nie die horings sien nie. Probeer ons die bok aan die vorm tussen die bome deur eien. Beweeg die bok so effe, gaan staan en vreet weer, beweeg en kom later agter die bome uit, sien ons toe die hele lyf, kop en horings. ‘n tsessebe.

Naby die Nkokodozi-brug sit twee opgeskote hiënatjies langs die skouer van die pad. Stap een teen ‘n walletjie hier naby af en verdwyn langs die pad. Die ander ene gaan lê en krul hom op, lê op die voorpote. Kan sien die ene is lus vir slaap. Wonder ons wat het van die ander ene geword. Ons beweeg nader na die kant en druk die kar se neus oor die skouer van die pad. Sien ons by die grondwal die een end van ‘n groterige waterpyp wat onder die pad deur loop. Lê die ander hiënatjie skuins op die voorlyf, net ‘n deel van die lyf en koppie steek aan die end van die pyp uit.




Lees Rapport se kommentaarbeleid

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 14-20°C Sunny. Mild. Pta: 3-21°C Sunny. Mild.
Jhb: 4-16°C Sunny. Refreshingly cool. Bfn: 0-19°C Sunny. Mild.
Dbn: 10-27°C Sunny. Mild. PE: 15-24°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!