Op vlerke: Rooivoet

2012-08-23 15:18

Vorentoe gewaar ons aasvoëls wat op lugstrome ry, daar ver bo in die lug. Op pad verder sien ons ‘n berghaan, of Rooivoet soos ons hom gedoop het, wat oor die grond sweef met die nek gekrom op soek na ‘n vangsie. In die lae takkies van ‘n bossie sit ‘n vleiloerie, ons hou stil en beweeg die loerie na die agterkant van die bossie.

Nou en dan beur ‘n klein skilpadjie oor die pad. ‘n Trop tarentale draf op ‘n streep in die veld. Van hulle gaan staan by tye en pik op die grond, draf dan verder. Hoor ons die roep van ‘n boskorhaantjie in die Ngotso Noord omgewing. Vlieg swaeltjies in die lug en vir lang endte in die pad, duik, jaag en swenk agter kossies aan net bo die oppervlak van die pad en in die lug. Loop daar gereeld rooibokkies in die veld en oor die pad.



Regs van die pad voor die brug oor die Olifantsrivier sit twee berghaantjies op die takke van ‘n groot droë boom. Vlieg ‘n visvalk vanuit ‘n boom daar naby en duik op die een berghaantjie af. Vlieg die berghaantjie op en gaan sit op ‘n ander tak, maak die visvalk die vlerke oop, waai die vlerke en mik- mik na die berghaantjie, vlieg weer op die berghaantjie af en gaan sit die berghaantjie op ‘n tak verder aan. Vlieg die visvalk op die tweede berghaantjie af en verjaag hom. Kom ‘n tweede visvalk vanuit die boom daar naby en duik op die eerste berghaantjie af. Die berghaantjie kies koers in die rigting van die veld met die visvalk agterna.

Op die brug oor die Olifantsrivier klim ons uit die kar, beloer die omgewing en kyk weerskante van die brug in die rivier af. Lê enkele krokodille op sandbanke. Steek ‘n paar seekoeie se rûe naby riete in die water uit en lê ‘n klompie seekoeie verder af teen die wal en op sandbanke en bak. Windswaels vlieg in die lug en onder die brug deur …..’tjirrrrr’…...’tjirrrrr’. Oorkant die rivier kom ‘n waterbok bul uit die ruigtes teen die wal af na die water toe. Roep twee visarende in die verte.

Anderkant die brug draai die pad weg van die rivier, bergagtig, kom later weer terug en wys die rivier aan die linkerkant van die pad. In ‘n laagte en oor ‘n grasvlaktetjie draf ‘n paar tarentale. Voor die afdraai na Olifants kamp, links van die pad, is die N’wamanzi uitkykpunt. Sit apies in die bome. Weerskante van die uitkykpunt  in die rivier lê enkele seekoeie teen die sandwal. Hoor ons die geruis van die water.

Verby die afdraai na die kamp op die Letaba pad hou ons langs die rivier in die skadu onder groot bome stil. Daar is nog ‘n halwe toebroodjie, ‘n eier ,’n frikkadelletjie en ‘n hoenderboudjie vir elk oor na die oggend se ete by die dam. Sit ons ‘n ligte middagete saam met koffie en nuttig. Enkele seekoeie lê op middel eilandjies in die rivier en teen die wal. Loop die water redelik sterk tussen die rotse deur. Skuins naby die wal staan ‘n hamerkoppie in die vlak watertjies op ‘n klip, wat skuins die water in loop, en wag vir ‘n vangsie.

‘n End verder langs die rivier sit bobbejane in en onder groot bome. Die kleintjies speel rond terwyl van die grotes op die grond hier en daar iets op tel en in die kieste stop. Nou en dan hoor ons iets dof op die grond val, sit een op die grond en aas. Ons kyk op en sien ‘n bobbejaan daar bo in die boom sit en vruggies vreet, val ‘n vruggie nou en dan op die grond en stop die een hier onder dit in die kies.




Lees Rapport se kommentaarbeleid

Lewer kommentaar op hierdie artikel
1 reaksie
Lewer kommentaar
Kommentaar 0 oorblywende karakters

binne rapport

Weer
Ksd: 14-24°C Sunny. Mild. Pta: 5-23°C Sunny. Mild.
Jhb: 4-18°C Sunny. Mild. Bfn: 2-21°C Sunny. Mild.
Dbn: 8-22°C Morning clouds. Mild. PE: 12-26°C Sunny. Pleasantly warm.
7-dag-voorspelling...

Betrekkinge - Vind jou droomwerk

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!