Rondrits: App vertel waar diere is
2013-01-17 17:25
- Artikelopsies
- Deel
- Kry Rapport op
’n App wat plaaslik ontwerp is om wildwaarnemings in die Nasionale Krugerwildtuin te vergemaklik, is in die eerste drie maande sowat 10 000 keer afgelaai.
Die Kruger Live-app help toeriste om olifante, leeus en ander diere deur die gebruik van plek-gebaseerde sagteware op te spoor.
Gebruikers kan die plek van die diere aanlyn beskikbaar stel en die inligting is op biede die app en webwerf-platforms gelaai.
Daar kan ook foto’s en beskrywings van waar die diere waargeneem is, opgelaai word.
Volgens Rob Maclean, die besturende direkteur van Kruger Live, word daar daagliks 100 waarnemings gelaai en sowat 6 000 mense volg dit aanlyn.
Die platform kan ook bydra tot die vermindering van stropery.
In 2012 is meer as 600 renosters in SA gestroop en die app gee gebruikers die vermoë om verdagte gedrag aan te meld wat gebruik kan word om die owerhede te waarsku.
Die gratis app is beskikbaar vir Android-en IOS-platforms en sal binnekort ook op BlackBerry in Suid-Afrika beskikbaar wees. - Bron: News24