Wrrroem!-blog: Wat gee jou wrrroem?
2010-09-04 09:47
- Artikelopsies
- Deel
- Kry Rapport op
Wat gee jou woema ? Wat laat jou tiek ? Wat maak jou gelukkig ? Wat maak jou bly ? Wat DOEN dit vir jou ? Wat gee jou ‘n huppel in jou stap en ‘n “niks kry my onder vandag nie attitude” ? Wat laat jou vandag ‘n probleem in die gesig kyk en sommer ‘n geselsie mee aan knoop, waar jy die vorige dag net nie kon hond haar af maak van die uitdaging nie ?
Wat laat jou soggens opstaan ? En wat laat jou wil bly lê ?
Ek het erens gelees dat as jy weet wat iemand laat tiek kan jy daardie persoon beheer. Wens ek kon onthou wie dit kwyt geraak het. Wat laat my hou van Opel en Yamaha, maar die volgende persoon is oortuig dat BMW en Hardley Dangerous die beste is ?
Koop jy ‘n sekere motor omdat jy regtig daarvan hou of vir die aansien wat dit vir jou gaan bring ? Het jy regtig die kar nodig om te sorg dat ander van jou hou en dink jy is ‘n vermoe persoon of koop jy dit omdat JY dit wil hê ?
Wanneer jy na jou motor toe stap, klim jy net in en ry, want dit bring jou van punt A na B, of glimlag jy elke keer as jy haar sien ?
Wat maak jou gelukkig ? Wat gee jou daardie ekstra wrrroem om ‘n Honda XR 200 aan die brand te skop en te sorg dat met die eerste skop hoor jy die enjin brul ?
Sedert my kleinding gebore is het die lewe vir my nuwe betekenis gekry. Elke dag is ‘n wrrroem wanneer ek weet ek gaan hom nou nou sien. Hy kom een van die dae huistoe, is vroeg gebore en moet nog ‘n bietjie in die hospitaal bly.
In die klein lyfie is daar baie wrrroem, en hy dra dit oor na sy ma. Hy laat sy ma besef dat elke dag bring nuwe uitdagings om die ou enjin aan die gang te kry en die bult op te ry, al is dit ‘n gesukkel in tweede rat.
Hy het gesukkel met asemhaal, en ‘n infeksie wat ook sy ma siek gemaak het, maar hy wrrroem elke dag voort om groter en sterker te word. Wanneer ek hom in my arms hou kry ek ‘n nuwe wrrroem vir elke dag se sukkel om aan die gang te kom, uit ‘n donga met ‘n 4 x 4 te klim en om voort te gaan met die lewe se wrrroem!