Verligting vir reispyne
2013-01-08 16:00
- Artikelopsies
- Deel
- Kry Rapport op
Is jou vlug gekanselleer? Jy kan vergoeding eis.
Gedurende die jaar werk ons hard en sien uit na ons vakansie. Wanneer ons op vakansie is en dinge loop nie vlot nie, kan dit ‘n groot demper plaas. En daar kan baie dinge verkeerd gaan soos wanneer verblyf nie op standaard is nie of jy jou vlug verpas of (miskien veel erger) wanneer jou vlug gekanselleer of vertraag word.
Ek het onlangs met ‘n baie bekende lugredery na Europa gevlieg en met die terugkom is ons vir sowat 12 uur vertraag. Wat ‘n nagmerrie en ‘n beslommernis, dit is definitief nie die manier hoe ek my tydjie in Europa wou afsluit nie.
Vir diegene wat ook die ongerief beleef het, is daar goeie nuus. Op 23 Oktober 2012 het die Europese Unie ‘n uitspraak gelewer waar verbruikers wat drie of meer ure by hul bestemming vertraag is, vergoeding kan eis. En wat meer is, dit is terugwerkend vir vlugte tot 17 Februarie 2005.
Let asseblief daarop dat die uitspraak slegs van toepassing is indien die vlug van 'n EU-lughawe vertrek, of as jy op 'n EU-lugredery vlieg of op ‘n EU-lughawe geland het.
Passasiers kan vergoeding van tussen € 250 (£ 200) en € 600 (£ 480) eis indien daar al die volgende voorwaardes voldoen word:
Die vlug by sy bestemming drie uur of meer laat aangekom het.
Die vlug op 17 Februarie 2005 of later vertrek het.
Die vlug van 'n EU-lughawe vertrek, ongeag van die lugdiens, of dit op 'n EU-lugredery was en op 'n EU-lughawe geland het.
Die vertraging was die lugredery se skuld.
Die vergoeding is bykomend tot kos en ander uitgawes soos byvoorbeeld verblyf. Nadere ondersoek het getoon dat Suid-Afrikaners wat vir 4 ure of meer gestrand en verder as 3,500km van die huis is, kan tot €600 (£480) as vergoeding eis.
• Vir meer besonderhede, besoek http://www.moneysavingexpert.com/travel/flight-delays of http://flight-delayed.co.uk/.
• http://rondritsblog.wordpress.com/2013/01/08/vergoeding-vir-gekanselleerde-vlugte/